BANDUNG (NYUNDAYU), – Kementerian Énergi dan Sumber Daya Mineral (ESDM) nyatetkeun lampu hémat énergi jeung éfisien tinggi sacara nasional didominasi kénéh jieunan luar negeri. Survey nu dilakukeun ku proyék Advancing Indonesia’s Lighting Market to High Efficient Technologies (ADLIGHT) merkirakeun lampu light-emitting diode nu dihasilkeun produsén dalam negeri ngan aya dina sakira 20-30 persén.
Pajabat fungsioal Diréktorat Konservasi Énergi Kementerian ESDM Ardian Marta Kusuma miharep kamampuh produsén lokal nu mroduksi lampu LED bisa terus ditingkatkeun. Ningkatna éta sajatina bisa diiluan ku ningkatna ogé kamampuh dina ningkatkeun kualitas. Lamun satacanna loba katémbong lampu nu dijual murah pisan ngan daya tahanna kurang pisan, Ardian miharep engké tong nepika ka jadian deui.
“Pamaréntah terus ngadorong paningkatan kualitas produsén lokal nu ngahasilkeun lampu LED berkualitas. Salah sahijina ku ngaluarkeun régulasi, boh liwat Peraturan Pemerintah Nomor 33 Taun 2023 ngeunaan Konsérvasi Energi jeung Penerbitan Keputusan Menteri ESDM Nomor 135.K/EK.07/DJE/2022 ngeunaan Standar Kinerja Energi Minimum (SKEM) jeung Label Lampu LED,” ceuk Ardian di antara kagiatan ADLIGHT 4 Year Journey Public Exposure di Bandung, Rebo (8/5/2024).
Ardian nambahkeun, ayeuna ieu geus kasadia standarisasi hémat énergi pikeun tujuh paralatan rumah tangga. Salian lampu LED, standar nu geus ditetepkeun ku pendingin udara atawa air conditioner (AC), lemari pendingin atanapi kulkas, lemari penampil komersial (showcase), penanak nasi (rice cooker), kipas angin, jeung televisi.
“Salian televisi, genep paralatan geus milaku standarisasi. Aya label bintang hiji dugika lima kanggo unggal peringkat hemat énergina. Aya ogé kanggo televisi bade diberlakukeun dina ahir taun ieu, Desember 2024,” pok Ardian.
Di tempat nu sarua, National Project Manager ADLIGHT Nasrullah Salim ngajelaskeun, ADLIGHT mangrupakeun gawé bareng antara Kamenterian ESDM jeung United Nation Development Programme (UNDP) jeung United Nation Environment Programme (UNEP). Proyék ieu nyangking pendanaan ti Global Environment Facility (GEF) mimiti 2020 nepika 2024.
“Proyék ieu diwangun ku tilu komponén. Kahiji, dukungan ka industri lampu lokal kanggo ngatransformasi pasar ka arah sistem penerangan lampu nu miboga kualitas tinggi jeung éfisiénsi energi tinggi. Kadua, ngadorong kaluarna régulasi sarta pangawasan pasar, vérifikasi, jeung penegakkan hukum. Katilu, panerapan modél bisnis anyar jeung paningkatan kasadaran publik dina rangka ningkatkeun penetrasi jeung aplikasi téknologi penerangan éfisiénsi tinggi,” émboh Nasrullah.
Numukeun inyana, dina opat taun ieu proyék ADLIGHT geus ngahasilkeun sajumlah kamajuan nu kaharti dina upaya ngamajukeun lampu hémat énérgi di Indonésia. Hal ieu ditandaan ku laksanana panyusunan peta jalan lampu LED jeung Survey Pasar gawé bareng jeung Balai Besar Survey dan Pengujian (BBSP) Ketenagalistrikan, Énergi Baru, Terbarukan, dan Konservasi Énergi (KEBTKE) jeung transformasi bisnis industri ngaliwatan pendampingan industri LED nasional jeung industri jasa keuangan. Prestasi nu séjénna nyaeta mangrupa dikaluarkeunna Keputusan Menteri ESDM Nomor 135.K/EK.07/DJE/2022 ngenaan SKEM jeung Label Lampu LED jeung KepMen turunanna pakait jeung lembaga sertifikasi profési jeun laboratorium pangujian.
Teu kurang pentingna, sambung Nasrullah, nyaéta penetrasi pasar lampu dalam negeri ku ngaliwatan palaksanaan 25 pilot proyék di kabupaten/kota. Proyék percontoan éta pikeun antara lain alat penerangan jalan di Lombok Barat, Dharmasraya, Palu, Wonosobo, Banjarmasin, Banyuwangi, Donggala, Sigi, Jambi, Sungai Penuh, SUmedang, Bandung, Garut, Klaten, Blitar, Lombok Tengah, Karo, Toba, jeung Sumba Barat Daya. Pasar lampu dalam negeri dina wangunan gedung ogé didorong ngaliwatan pilot proyék di gedung Sekretaris Daerah Provinsi Jawa Tengah, Rumah Sakit Umum Pusat (RSUP) Soeradji Tirtonegoro di Klatén.
“Pilot project dilakukeun ku tilu rupa. Salian ti lampu penerangan jalan jeung gedung perkantoran, urang sadayana ogé masihan lampu LED kanggo hunian. Ieu dilakukeun di Desa Wisata Lombok Barat jeung padumukan di Kamenterian PUPR nu dipasihkeun ka masarakat berpenghasilan rendah (MBR),” Nasrullah ngajelaskeun.
“Ngalangkungan pendampingan di Kamenterian ESDM sareng Proyék ADLIGT dina skéma kerjasama pamaréntah sareng badan usaha (KPBU) dina konsérvasi énérgi alat penerangan jalan, proyék ADLIGHT laksana ngadukung Kabupaten Dharmasraya janten KPBU Unsolicited munggaran di Indonesia diiringan ku Kabupatén Lombok Barat. Ieu janten hiji wangun sinérgitas nu saé para stakeholders dina ngaageunan upaya réduksi émisi nasional ngalangkungan rétrofit séktor pencahayaan saluyu sareng amanat Peraturan Pemerintah (PP) Nomor 33 Taun 2022 Ngeunaan Konsérvasi Énérgi,” Nasrullah ngémbohan.**
Éditor: Dadan Hendaya
