BANDUNG (NYUNDAYU). – Telat Bérésna Jalan Tol Cisumdawu nu diwangun ti ahir 2011, kaniléy geus elat teuing. Dibutuhkeun komitmen nu kuat ti pamaréntah pikeun bisa nuntaskeun proyék sapanjang 60,1 KM éta di ahir taun ieu.
“Dua taun kamari, Komisi V DPR RI diondang ku Badan Usaha Jalan Tol (BUJT) pikeun datang ka Tol Cisumdawu. Di rohangan éta aya komitmen ti BUJT yén pangwangunan baris réngsé di ahir 2021,” ceuk anggota Komisi V DPR RI, H. Mulyadi, MPA, basa rapat dengar pendapat jeung Dirjen Binamarga, Badan Pengatur Jalan Tol jeung BUJT Kamentrian PUPR, Rebo (14/9).
Mulyadi nu ogé jadi Déwan Pembina Jaringan Media Siber Indonesia (JMSI) Jabar ieu nganiléy, warga geus capé ku jangji anggeusna proyék éta.
“Saur abdi mah delay-na Cisumdawu ieu tos lami teuing. Samentawis invéstasi tol éta pan dibiayaan tina hutang. Urang teu tiasa ngabayangkeun cost of fund nu ngaageungan, salajengna mangsa konsési nu panginten ngirangan, namung teras manfaatna ogé teu maksimal,” pokna.
Salian ti kunjungan spésifik, émbohna, anjeunna ngalakukeun kunjungan lanjutan pribadi jeung nengetan sacara daria progrés Cisumdawu. “Kunaon, lantaran abdi remen diondang stakeholder Jabar. Kamari janten narasumber diskusi perkawis Tol Cisumdawu sareng Bandara Kertajati ku Kadin Jabar sareng JMSI Jabar. Aranjeunna miharep Tol Cisumdawu tiasa karéalisasi taun ieu,” tandes anggota Badan Anggaran DPR RI ieu.
Mulyadi ogé nengetan kana parobahan palaksana Cisumdawu. “Ayeuna BUMN Karya Berantas lebet janten palaksana. Abdi ngahurmat kana improvisasi-improvisasi nu dilakukeun ku BUMN Karya. Namung pami ngagentos malah janten langkung delay, sareng teu aya konsékuénsi on time dina réngséna, di-review deui wé supados sinérgitas sareng swastana ogé tiasa majeng. Ulah teras swastana paéh poso ngaréngsékeun pangwangunan, BUMN na malah janten ngahambat. Uihkeun deui wé ka Adikarya pami Berantas teu mampuh janten bagéan nu ngaréngsékeun proyék éta,” teges législator Partai Gerindra ieu.*
Éditor: Dadan Hendaya
Sumber: JMSI Jabar
Foto: infopublik.id
