BANDUNG (NYUNDAYU), – Saurang lalaki ti Maryland miboga niat meuli permén Halloween ka toko tapi stok ti dituna béak. Ngan teu disangka, inyana kalahka meuli lotré jeung meunang hadiah Powerball saniléy USD1 Juta (Rp 16 miliar). Lalaki 58 taun nu asalna ti Bowie, Maryland éta nyaritakeun ka patugas Lotré Maryland yén inyana eureun di toko Giant kulantaran perlu meuli permén Halloween satacan liburan.
Ngan toko éta lain pilihan kahijina. “Abdi saleresna moal angkat ka Giant, mung abdi nuju rusuh badé mulih”, pokna. Lalaki éta terus meuli 10 tikét undian Powerball tanggal 29 Oktober basa keur di toko. Inyana mariksa tikét éta isukna sanggeus apal jackpot USD800 juta tacan aya nu meunang.
Teu disangka, lalaki éta manggihan nomer tikétna kaasup nu meunang hadiah USD1 juta. “Éta nu panungtungan tina 10 tikét. Abdi milarian sareng barang ieu nyebatkeun USD1 juta!” émbohna. Inyana ngaku teu percaya, jadi ménta dulurna mariksa deui tikét jeung ngonfirmasi kameunangan éta. Lalaki éta nyebutkeun yén hadiah duitna bakal ngabantuan ngarawat bapana nu geus kolot.**
Sumber: internasional.sindonews.com/Syarifudin
Foto: ourcommunitynow.com/Christa Emmer
