SUMEDANG (NYUNDAYU), – Jalan Raya Cadas Pangéran, Kabupatén Sumedang ayeuna geus ramé deui sanggeus Tol Cileunyi-Sumedang-Dawuan (Cisumdawu) dikeunakeun tarif mimiti 28 Fébruari 2023. Hal éta ngabalukarkeun Tol Cisumdawu lowong sedengkeun arus lalu laintas jalan artéri Cadas Pangeran nu satacanna sepi, ayeuna kapantau ramé lancar deui, Kemis (3/3)
Tina pantauan lapangan, raména lalu lintas teu ngan ti ka arah Cirebon wungkul, nu arah ti Cileunyi ka Sumedang oge sarua. Angkutan umum sarupa mikrobus Elf nu satacanna maké Tol Cisumdawu balik deui ngaliwat ka Cadas Pangéran.
Kitu ogé jeung kandaraan beurat jeung badag siga treuk jeng mobil pribadi balik deui maké aksés Cadas Pangéran éta. Situasi ieu, teu leupas tina diberlakukeunna tarif Tol Cisumdawu. Pasalna, pikeun jalan ti Cileunyi nepika Cimalaka tarifna nepi ka Rp41.500. Tarif éta dikeunakeun pikeun jarak sakitar 32,5 kilométer atanapi kira-kira Rp1.249 sakilométerna.
Satacanna, arus lalu lintas di ruas ieu, didominasi ku kandaraan roda dua. Ngan, ayeuna sajumlah ruas kajadian aya kapadetan kulantaran volme lalu lintas nu ngaronjat.
Samentera éta Kapolrés Sumedang, AKBP Indra Setiawan ngaliwatan Kasi Humas AKP Dedi Juhana ngabenerkeun yén Jalan Raya Cadas Pangéran ayeuna ieu jadi ramé deui sanajan teu signifikan jeung sapadet satacanna sarta kagolong lancar.
“Kumargi Jalan Raya Cadar Pangéran uih deui ramé, urang sadaya ngahimbau supados nu nganggo jalan tetep ati-ati. Pasalna Cadas Pangéran rawan longsor sareng tangkal rungkad komo pami cuaca ayeuna ieu ékstrim,” ceuk Dedi, Kemis siang.
Raména deui Cadas Pangéran ieu dipiharep bisa ngaronjatkeun deui perékonomian para padagang di sapanjang Jalan Cadas Pangéran nepika Pamulihan (pelaku UMKM). Para padagang di Cadas Pangéran satacanna rumahuh panghasilan nu turun kulantaran ayana Tol Cisumdawu. Komo dina periode Desember 2022 nepika Februari 2023, tacan kéneh dikeunakeun tarif di Séksi 2 jeung 3.
Samentara Seksi 1 (Cileunyi-Pamulihan) nu kamari tarifna ngan dikeunakeun Rp11.000 ayeuna naék jadi Rp14.500 (11,4 km). Nyatana publik ngarasa kawalahan jeung kabeuratan ku ditetepkeunna tarif di Tol Cisumdawu. Pasalna diniléy mahal teuing komo sanggeus ditaékeunna tarif Seksi 1 (Cileunyi-Pamulihan).**
Éditor: Dadan Hendaya
