BANDUNG (NYUNDAYU.COM) – Bandung Interactive Hub – Balad Uwa Mahfud (BIH-BUM) miboga kayakinan, séntimén positif pangbadagna disangking ku pasangan caprés nomor 3 Ganjar-Mahfud, satutas pidangan imprésif Prof. Dr. Mahfud MD, dina debat kaopat nu digelar KPU, Minggu (21/1) peuting.
“Pakait debat cawaprés kamari wengi, koméntar abdi singket wé, Profésor nya profésor, teu tiasa dibandingkeun sareng jalmi nu teu jelas sakolana. Leres tadi wengi aya sakedik kajantenan nu ngaganggu émosi abdi, nalika salah sahiji pamilon debat mintonkeun akting. Tapi nya atos wé teu kedah abdi komén deui, warga sa-Indonésia raya parantos nyakséni,” ceuk inisiator BIH-BUM, Iwan Setiawan, basa dikonték media, Senén enjing.
Sacara substansi jeung téma debat, Mahfud nyaéta cawaprés nu miboga pangarti kana pasualan. “Ku kituna ogé cara anjeunna dina patarosan sareng jawaban élégan pisan sareng akademis, ditambih ku data nu valid tangtosna. Tiasa katingal tina analisa séntimén ti seueur média, hasilna positif pisan. Sakali deui, namina ogé profésor,” émboh Iwan.
Kasebut, meureun éta oge kunaon para senior urang baheula di DPR nalika nyieun Undang-undang, aya watesan umur caprés/cawaprés, ambéh pamingpin bangsa urang miboga kadéwasaan dina pamikiran jeung léngkahna. Lebar pisan Undang-undang éta ayeuna geus dipaksa pikeun dirobah, nepika aya pamilon debat nu sering kasebut jadi “anak haram konstitusi”.
“Urang sadaya mung tiasa usaha sareng ngadu’a, mugia bangsa ieu dipasihan karunia pamingpin nu mumpuni sareng miboga ahlak nu mulia, dugika pantes fotona dipasang di payuneun kelas anak cucu urang sadayana,” tegesna.**
Éditor: Dadan Hendaya.
