BANDUNG (NYUNDAYU), – Depidar SOKSI Jawa Barat geus méré niléy tambah pikeun pajoangan gerakan Partai Golkar, liwat rupa-rupa aktivitas nu miboga manfaat ka masarakat. Panungtungan, SOKSI geus suksés ngagelar Rakerda nu mampuh ngahadirkeun Waketum DPP Partai Golkar nu ogé Gubernur Jawa Barat, Ridwan Kamil.
Tah kitu nu ditepikeun Ketua Depidar SOKSI Jawa Barat H. Yod Mintaraga, dina acara buka bersama bareng jajaran pangurus di sekretariat SOKSI Jl. Matraman 6 Bandung, Minggu (26/3).
“Ketua jeung Sékjén Depinas SOKSI ogé masihan aprésiasi nu luhur ka SOKSI Jawa Barat nu parantos aktif pisan ngalakukeun rupi-rupi kagiatan,” pok anggota DPRD Jabar ieu.
Kitu oge Ketua DPD Partai Golkar Jawa Barat H. Tb. Ace Hasan Syadzily nepikeun kareueusna, kulantaran SOKSI mampuh jadi nu panghareupna narjamahkeun program partai, ngaliwatan konsolidasi kitu ogé terjun langsung ka tengah masarakat.
“Abdi ngaatasnamikeun Depidar ngahaturkeun nuhun sareng pangajén ka sadaya pangurus sareng kader, nu parantos sliih bantos bajoang kanggo ngadegkeun marwah organisasi, sakantenan masihan maslahat ka sadaya warga Jabar,” ceuk Yod.**
Éditor: Dadan Hendaya.
