BANDUNG (NYUNDAYU), – Ayeuna-ayeuna ieu, aya kagumbiraan nu luar biasa ti kader-kader Partai Golkar di daérah, pikeun meunangkeun partai lambang caringin ieu. Ieu jadi tangara awal meunangna partai dina Pemilu 2024.
“Katut di lebetna aya SOKSI nu janten pamanggul kameunangan Golkar,” ceuk Ketua Partai Golkar Jabar H. Tb. Ace Hasan Syadzily basa ngabuka Rakerda Depidar SOKSI Jawa Barat, Saptu (18/3), di kantor DPD Partai Golkar, Jl. Maskumambang Kota Bandung.
Numutkeun Ace, SOKSI nyaéta Hasta Karya munggaran nu mangrupakeun pionir jeung motor utama kakaryaan salaku idéologi Partai Golkar. “SOKSI dipikawanoh salaku organisasi nu tara ilubiung dina polarisasi pulitik aliran nu miboga potensi ngabengkahkeun bangsa.”
Dijelaskeun, Partai Golkar nyaéta partai nu nawarkeun ideu, gagasan jeung program, lain ngutamakeun pulitik idéntitas. Malahmah Golkar lahir lantaran hayang leupas tina pulitik idéntitas. SOKSI ogé aya di barisan panghareupna nyingkahan pulitik idéntitas nu bisa ngabengkahkeun bangsa.
Ace miharep, bakal loba kader SOKSI nu bisa diuk di korsi DPRD provinsi jeung kabupatén kota. “Kuatkeun rékrutmen kader. Baris aya 124 juta pamilih pemula, sareng ngan 1,1% nu kairut ku pulitik. Tugas SOKSI sareng kader Golkar umumna mah kanggo ngarékrut barudak ngora, sangkan gaduh animo kana pulitik sareng ngengingkeun Partai Golkar,” tandesna.**
Éditor: Dadan Hendaya
