BANDUNG (NYUNDAYU), – Rakerda Dépidar SOKSI Jabar ngadesek Depinas SOKSI pikeun ngbéréskeun sacara tuntas pasualan dualisme kapangurusan di tingkat pusat. Kulantaran, dualisme ieu geus pasti moal bisa dituntaskeun di levél daérah. Dualisme ieu nyababkeun kinerja organisasi jeung citra nu kurang hadé di hareupeun publik.
Hal éta jadi salah sahiji butir rékomendasi Rakerda nu digelar di kantor DPD Partai Golkar Jabar, dina Saptu (18/3). Hal ieu diungkabkeun ku Ketua Organizing Committee (OC) Rakerda, Dr. Hj. Cucu Sugyati, sabérés acara.
Salian ti éta, rékomendasi ogé nyebutkeun, diangkatna Airlangga Hartarto salaku caprés geus final nu geus ditetepkeun dina Rapimnas jeung Munas Partai Golkar. “SOKSI salaku bagéan integral Partai Golkar baris upaya ku dariana ngawujudeun Pa Airlangga salaku Présidén dina Pilprés 2024,” ceuk Cucu.
Butir nu séjénna, SOKSI jeung Partai Golkar kudu leuwih nyanghareupkeun kaderisasi pikeun ngahasilkeun kader-kader nu miboga kualifikasi andal jeung pinunjul dina nyanghareupan dinamisme parobahan, hal nu geus pasti teu bisa disingkahan tina kahirupan pulitik.
“Sajalan sareng éta, program pangkaderan unggulan khas SOKSI, nyaéta Pendidikan Politik Kader Bangsa (P2KB), kedah janten kalénder rutin Depidar, ngemutan ku pentingna aspék pangkaderan sareng panyiapan regenerasi nu gaduh kualitas sareng ngartos peta pulitik mutakhir,” émboh anggota DPRD Jabar ieu.
Numutkeun Ketua Kesatuan Perempuan Partai Golkar (KPPG) Jabar ieu, Rakerda ogé ngusulkeun aya sarupa lembaga think tank di Depidar. “Ieu kanggo janten wadah kajian pulitik praktis nu tiasa ngabantos kader di daérah dina ngantisipasi kamekaran pulitik mutahkir,” pokna.**
Éditor: Dadan Hendaya
