BANDUNG (NYUNDAYU). – Hiji warta sungkawa dongkap ti dunya pérs. Pupuhu Déwan Pérs Prof. Dr. Azumardi Azra ngantunkeun dina dinten ieu, Ahad (18/9).
Info ieu dibéwarakeun langsung ti Ketua Umum Jaringan Media Siber Indonesia (JMSI) Teguh Santosa ka rédaksi, teu lami ieu. Dina pesenna, Teguh Santosa ngiring ngadu’akeun nu pangsaéna kanggo mantan Rektor UIN Syarif Hidayatullah Jakarta éta.
“Innalillahi wa innailaihi rojiun. Parantos ngantunkeun Prof. Dr. Azyumardi Azra. Mugia anjeunna kénging tempat nu mulia di sisi Allah sinareng kulawargi nu dikantunkeun dipasihan kakiatan, Amin,” saur Teguh Santosa.
Luyu sareng nu wartakeun Ketua Dewan Kehormatan Persatuan Wartawan Indonesia (PWI) Ilham Bintang, Azhumardi katerap virus Covid-19 sareng kantos dirawat di RS Serdang, Malaysia, Jumaah (16/9) sonten.
Almarhum nu lahir 4 Maret 1955 éta, saur Ilham Bintang, kantos ngadadak kaserang batuk parna, nu panjang, nu disarengan sesek napas dina pesawat nuju perjalanan ka Malaysia sonten éta.
Ti Bandara Azyumardi teras dicandak ka RS Serdang, Selangor, Malaysia nu jarakna 35km ti Kuala Lumpur.
Éditor: Dadan Hendaya
Foto: ayobandung.com
