BANDUNG (NYUNDAYU.COM) – Prosés pamilihan kepala daérah kaayeunakeun ieu aya ku miskin pisan tina ideu jeung pamikiran. Kulantaran faktana, warga leuwih mikaresep gimmick jeung algoritma kekinian, tinimbang ngabedah ideu jeung pamikiran nu dipimilik ku para calon.
“nu ayeuna kajantenan nyaéta défisit kontéstasi ideu, tapi surplus ku gimmick jeung algoritma kekinian. Padalah mah pami urang kajebak kana gimmick, urang sadaya moal tiasa kantos ngéngingkeun kontéstasi pulitik nu mencerahkan,” ceuk kandidat Gubernur Jabar Dr. Bima Arya.
Hal éta diungkabkeun basa jadi narasumber dina seral diskusi pilkada nu judulna “Mencari Pemimpin Pilihan Rakyat” nu kalaksana ku Jaringan Media Siber Indonesia (JMSI) Jabar jeung PW Muhammadiyah Jabar, Minggu (7/7). Biantara ti Bima Arya oge dibahas ku tilu panelis, nyaéta Dr. Affan Sulaeman, pengamat pulitik Unpad Dr. Firman Manan jeung Dewan Pakar ICMI Dr. Muslim Mufty.
Bima nyoba ngadobrak “politik salah kaprah” ieu ku cara usaha népakeun ide pamikiranna ka unggal gempungan nu dihadiran ku inyana, kaasup basa jadi narasumber acara JMSI. “Abdi baris fokus kana tilu hal nu janten dasar, nyaéta atikan, kaséhatan, lapangan padamelan. Sanes teu kénging gaduh jalan-jalan, wangunan-wangunan sareng taman-taman nu saé. Mung di dipikahoyong warga nyaéta sakola nu caket sareng mirah, layanan kaséhatan haratis namung gampil diaksés, sarta gampil kenging padamelan,” ceuk Arya.
“Nu diperyogikeun warga ayeuna nyaéta basic nees. Kumaha carana waktos lebet rumah sakit atanapi UGD, langsung kénging kamar, teu kedah lapor heula ka anggota Déwan supados kenging prioritas. Warga palay sakola favorit nu caket bumina. Kumaha tiasa aya zonasi, tapi teu aya sakola negri nu caket bumina,” émboh Bima sabari satengah nanya.**
Éditor: Dadan Hendaya
