DI TENGAH naékna harga Bahan Bakar Minyak (BBM), loba anu mikir sangkan bisa ngahémat bahan bakar anu dipaké.
Di Indonésia sorangan, anu baroga motor métik lumayan rada loba. Motor matik dipikaresep kusabab cara makéna anu praktis jeung pastina maké bahan bakarna kasohor leuwih irit.
Sanajan kasohor irit, tapi angger wéh loba pamaké motor métik anu néangan cara sangkan bisa leuwih ngahémat deui maké bahan bakarna.
Pastina, aya sababaraha tips sangkan hémat bahan bakar pikeun pamaké motor métik anu bisa dicoba, kieu carana.
- Tong mindeng teuing manaskeun motor
Manaskeun motor saméméh dipaké lain hal anu kudu dilakukeun, kaasup pikeun motor anu maké téknologi injéksi. Sabenerna, pamaké motor disarankeun maké motor sanggeus mesin dihurungkeun. Panaskeun mesin motor cukup samenit wéh.
- Atur kecepatan motor ku cara nu bener
Kecepatan kandaraan bakal ngaruh kana konsumsi bahan bakar. Beuki gancang kandaraan dipaké, beuki loba bénsin anu kapaké.
- Rutin ngaganti saringan udara
Saringan udara anu kotor bisa mangaruhan kana tingkat kaborosan bahan bakar. Filter anu kotor bisa mepeg hawa anu asup ka sistim pembakarannana liwat saluran intake. Jadi bahan bakar bakal kapiceun mubadir. Lamun mesin dirawat sacara rutin, bahan bakar ogé jadi leuwih hémat.
- Tong loba teuing mawa barang
Loba teuing mawa barang bisa nyababkeun boros bahan bakar. Mawa loba muatan, mesin kudu digawé leuwih ékstra jadi loba nyedotan bahan bakar.
- Nyingkahan jalan anu butut
Ngaliwatan jalan butut nyababkeun bahan bakar leuwih kakuras. Jadi, usahakeun tong ngaliwatan kana jalan anu butut sangkan bisa hémat bahan bakar jeung motor teu téréh ruksak.
- Perhatikeun tekanan udara dina ban
Tekanan udara dina ban motor bisa mangaruhan panggunaan bénsin. Ban motor anu kempés nyababkeun motor digawé ékstra tibatan biasana. Jadi maké bahan bakarna leuwih boros.
Éditor : Rizal Fadillah
Sumber: bandungraya.inews.id
Foto: Unsplash.com/Hanindito Prabandaru
