BANDUNG (NYUNDAYU), – Pangwangunan Masjid Al Jabbar di daérah Ciméncrang, Gedébagé Bandung, terus kénéh jadi polémik. Mimiti ti lobana ema-ema nu jogéd pikeun nyieun kontén Tiktok, botram di jero masjid, pabalatak ku runtah, jeung buruan nu dijadikeun wahana ngojay barudak.
Nu anyar, masalah dana pangwangunan nu badag pisan, nu terus dibandingkeun jeung dana pangwangunan masjid nu sigrong séjénna, Masjid Sheikh Zayed di Solo.
Dana pangwangunan Masjid Al Jabbar éta sorangan kasebutkeun méakkeun anggaran nepika Rp1 triliun tina sumber APBD Provinsi Jawa Barat. Hal éta nu ayeuna jadi sorotan publik, hususna di dunya maya.
Loba nu ngritisi dana nu badag éta bisa leuwih mangpaat pikeun pangwangunan séjén di Bandung atanapi Jawa Barat umumna. Siga infrastruktur nepika sistem transportasi.
Panganyarna kaluar cuitan di Twitter tina hiji akun @hanif***
Akun éta nyuitkeun, sanajan teu sabadag dana nu dikaluarkeun APBD Jabar pikeun Masjid Al Jabbar nyaéta Rp1 triliun, biaya pangwangunan Masjid Sheikh Zayed di Solo sagedé Rp300 miliar nu total asalna ti Pamaréntah Uni Émirat Arab (UEA) malah katémbong leuwih sigrong.
Akun @seknas** ogé nyuitkeun hal anu sarua, “Masjid Sheikh Zayed di Solo siga istana méakkeun biaya sagedé 300 milyar. Masjid Al Jabbar di Bandung leuwih leutik bisa méakkeun biaya 1 triliun”.
Cuitan di akun éta ogé diréspon akun Twitter lianna.
“Jadi hayang ka Bandung,” cuit nétizen.
“Nu 1 T leuwih caian,” bales akun séjén.
“Ojo dibandingke, biayane sundul langit,” cuit nu séjén.
Jadi kumaha tah guaran ti Gubernur Ridwan Kamil?**
Éditor: Dadan Hendaya
