BANDUNG (NYUNDAYU), – Satlantas Polrestabes Bandung ayeuna moal deui nerapkeun tilang manual ka pangguna jalan nu ngalanggar lalu lintas. Hal ieu saluyu jeung instruksi Kapolri Jenderal Listyo Sigit dina surat telegram Nomor: ST/2264/X/HUM.3.4.5/2022 per tanggal 18 Oktober 2022
Eusi surat éta ngainstruksikeun panindakan Korlantas ka palanggar lalu lintas, teu make tindak tilang manual. Gantina, panindakan éta ngandelkeun Elektronik Traffic Law Enforcement (ETLE) nu kasadia dua rupa, statis jeung mobile.
KBO Satlantas Polrestabes Bandung, AKP Deden Juandi nyebutkeun, di Kota Bandung ngan aya ETLE statis nu maké kaméra pemantau di titik-titik nu tangtu.
Sedengkeun ETLE mobile, mangrupa kaméra nu dibawa patugas siga ponsél atanapi di kandaraan patroli, tacan diterapkeun.
“Leres sapertos éta, anggota teu aya panindakan di lapangan, janten nu dipayunkeun éta tilang ETLE,” ceuk AKP Deden Juandi, basa dikonték ku bandungraya.inews.id poé Salasa (25/10/2022).
Lamun aya oge palanggaran lalu lintas, ceuk AKP Deden Juandi, anggota di lapangan baris ngutamakeun édukasi jeung imbauan.
“Urang ngeureunkeun (palanggar) diimbau sareng diédukasi, misalna teu nganggo helm disungkeun mulih deui nyandak helmna, sapertos kitu,” tandesna.**
Sumber: bandungraya.inews.id/Rizal Fadillah
