BANDUNG, (NYUNDAYU) – Pamaréntah Selandia Baru miboga rencana ngeunakeun pajak ka peternak lantaran polusi gas nu dikaluarkeun ku 36 juta sapi jeung domba di nagara éta. Polusi gas éta dikaluarkeun ku jutaan ingon-ingon ngaliwatan teurab jeung hitut.
Diumumkeun poé Salasa (11/10/2022), pamaréntah Selandia Baru nyatakeun nagara éta bakal jadi nu munggaran di dunya nu ngalarapkeun rétribusi kana teurab, beuteung kembung jeung ompol sapi jeung domba ingon. Rencana éta tuluy dicempad ku komunitas peternakan Selandia Baru. Maranéhna ngingetan léngkah éta aya résiko ngalumpuhkeun produksi pangan doméstik
‘Ieu nembé munggaran’ Federated Farmers, kelompok lobi utama industri, nyatakeun rencana éta bakal ngancurkeun kota leutik Selandia Baru jeung ningali usaha peternakan diganti ku tangkal. Présidén kelompok éta Andrew Hoggard nyatakeun yén para peternak geus usaha gawé bareng jeung pamaréntah salila leuwih ti dua taun dina rencana ngurangan émisi nu bakal ngajaga peternak tetep ngingon. “Réstribusi nu diusulkeun, bakal ngadamel peternak ngical peternakan aranjeunna ku enggal pisan dugika anjeun ogé moal deui ngadangu anjing ngagogog di pengkereun ute [truk pick-up] basa aranjeunna mangkat,” pokna, kawas nu dikutip The Independent, Rebo (12/10/2022). Para politisi méré pendapat rencana éta bakal ngaronjatkeun émisi di sakabéh dunya ku mindahkeun pertanian ka nagara séjén nu kurang éfisién dina nyieun kadaharan.
Tapi Perdana Menteri Selandia Baru Jacinda Ardem nyatakeun rétribusi éta bakal ngaronjatkeun séktor peternakan Selandia Baru ku sabab sakabéh duit bakal dipaké pikeun téknologi anyar, panalungtikan industri jeung pamayaran inséntif pikeun peternak. “Peternak Selandia Baru bakal janten nu munggaran di dunya kanggo ngirangan émisi peternakan, ngapromosikeun pasar ékspor pangageungna urang sadaya kanggo kaunggulan kompetitif nu nyandak dunya langkung cerdas perkawis asal tuangeun aranjeunna,” ceuk Ardem. Industri peternakan Selandia Baru émang penting pisan pikeun perékonomiannana tapi nyumbang sakitar satengah tina émisi gas imah kaca nagara éta.
Ngan aya sakitar 5 juta jalma di nagara kapulauan Pasifik éta, tapi aya sakitar 10 juta sapi jeung sapi perah jeung 26 juta domba nu dipiara di ditu. Rencana “nol bersih” pamaréntah Selandia Baru ngawengku jangji pikeun ngurangan émisi métana ti sato piaraan saloba 10% di taun 2030 nepika 47% di taun 2050.
Sumber: international.sindonews.com/Muhaimin
Foto: bandung.go.id
