MAJALENGKA, (NYUNDAYU) Anggota Komisi V DPR RI, H. Mulyadi prihatin kana telat réngséna pangwangunan Jalan Tol Cisumdawu. Leuwih ti éta, aya kajadian budak leutik kagéléng ku treuk proyék.
“Abdi ngingetan, Pa, delayna proyék ieu balukarna luar biasa. Henteu dina konteks fungsina, tapi delayna proyék éta bakal ngagaduhan konsekuensi kana Cost of Fund sareng sagala rupina. Langkung ti éta, baris aya paningkatan dina nilai proyek. Ieu bakal jadi beungbeurat ka nagara,“ pokna.
Hal éta ditepikeun ku politisi Gerindra, di hareupeun aparat Kementerian PUPR, Badan Pengatur Jalan Tol jeung Badan Usaha Tol, nalika Komisi V nganjang ka lokasi pangwangunan di Majalengka. Kunjungan ieu, pikeun nalungtik naha proyék-proyék bisa teterusan telat.
“Abdi dugika terang yén aya murangkalih nu kagéléng ku treuk. Tungtungna, ngagaduhan masalah sareng operasional Bapa, suplai material janten sesah. Sanaos tétéla sentuhan na mah saderhana, Abdi nguping yén bapa-bapa kontraktor teu masihan artos karohiman, artos bela sungkawa. Ngeri pisan gaduh triliunan tapi artos belasungkawa teu masihan. Di mana moralna?” tandes Mulyadi ku nada luhur.
Mantan Ketua DPD Gerindra Jawa Barat ieu meredih ka Kamentrian PUPR jeung BPJT sangkan teu asa-asa méré sanksi ka kontraktor anu nyababkeun téknis pangwangunan jadi telat. ”Aranjeunna teu ‘apal’ yén ieu téh jadi beungbeurat pikeun nagara. Alokasi pamayaran bunga (hutang) pikeun nagara éta luar biasa. Aranjeun anteng migawé proyék, taya sanksi kulantaran Bapa-bapa delay,” ceuk anggota DPR ti Dapil Bogor éta.**
Éditor: Dadan Hendaya
