BANDUNG (NYUNDAYU). – Sono kana kadaharan khas Bandung? Festival Citylink Mal bakal ngagelar Festval Jajan Bandung nu gawé bareng jeung Food Festival Bandung. Féstival ieu dipedar dina raraga Hari Jadi Kota Bandung (HJKB) nu ka 212.
Katémbong dina Instagram @festivalcitylinkmall, Senen (2/10/2022), Festival Jajanan Bandung éta digelar ti tanggal 5 – 9 Oktober 2022 di Main Atrium Festival CItylink Mal Jalan Peta No. 241, Kota Bandung.
Kagiatan ieu diiluan ku sakitar 44 merchant kulinér nu pasti midangkeun kadaharan nu ngareunah jeung happening pisan keur warga Bandung jeung wisatawan luar Bandung.
Salian ti kadaharan ti Kota Bandung, loba oge kadaharan jeung inuman ti daérah séjén nu pasti moal éléh mantepna, siga jajanan khas ti Pontianak.
Dimeriahkeun ku sababaraha MC nu geus pangalaman, unik jeung ramé nu pastina bakal nyieun acara ieu beuki asik deui.
Salian ti Festival Jajanan Bandung, aya oge Durian Festival nu lokasina aya di daérah parking area Festival Citylink Mal. Loba pisan rupa-rupa durén nu kudu aranjeun cobaan. Tong kaliwat oge aya flash sale durén Rp100 rébu meunang 3 ti jam 4-6 burit salila event Durian Festival éta.
Sabari kulinéran, aranjeun ogé bakal disuguhan rupa-rupa acara nu pikaresepeun siga pasanggiri jaipong, arumba musik angklung, lomba fashion show, beauty class, music school ti Rumah Musik Harry Rusli (RMHR), lomba mewarnai, live music, CSR panti yatim jeung loba deui.
Keur nu panasaran kana event ieu, aranjeun bisa ngépoan Instagram @foodfestivalbandung pikeun update eventna.
Éditor: Wisma Putra
Sumber: detik.com/jabar
Foto: festivalcitylink.com, instagram.com/festivalcitylinkmall
