BANDUNG (NYUNDAYU), – Dosén Departemén Biologi Fakultas Matematika & Ilmu Pengetahuan Alam Universitas Padjadjaran sakaligus Kepala Pusat Studi Ilmu BIoprospeksi Serat Alam dan Sumber Daya Hayati Unpad, Dr Asri Peni Wulandari Ph, laksana nyiptakeun inovasi mangrupa baju tahan seuneu tina serat rami. “Panalitian rami dikawitan langkung ti 10 taun kapengker. Panlitian dikawitan ku ngisolasi limbah rami teras ngalangkungan tahap skrining dugi kénging mikroba nu pang rewogna dahar geutah rami,” pokna di Bandung, Kemis (17/11/2022). Tina panalitian ieu, ceuk Asri, nyatana serat rami téh alus pisan pikeun baju jeung “biodegumming” jadi alternatif pangolahan rami nu éféktif.
Asri ngaku yén peta jalan (roadmap) panalitian rami panjang pisan jeung bener-bener nguji coba sistem pabrikasi ti hulu nepika hilir.
Inyana jeung tim mimiti nyiapkeun tangkal rami pikeun diolah jadi serat. Tina pangolahan éta apéktéh kasar pisan ku ukuran nu laleutik. Ku kituna serat rami diuji ku sababaraha baktéri nu hasilna mangbeda-beda. Sanggeus kitu, asup kana skala laboratorium nu tujuanna nyieun serat rami jadi bodas jeung leuwih lemes.
Dina skala laboratorium, Asri jeung tim nguji coba ku proses bioleaching jeung chemical leaching nepika alur panilitian nu dipaké nyaéta chemical the gumming jeung chemical leaching.
Hasilna, pangolahan rami leuwih aman mun maké bahan alami.
Saterusna, inyana jeung tim kudu néang cara pikeun serat rami nu lemes minuhan standar pikeun bisa dipintal jadi benang. Asri jeung tim oge laksana nyieun benang rami jeung malah mah, benang rami éta laksana jadi bahan rami pikeun pakéan tahan seuneu. Hal éta geus dibuktikeun ku bahan rami nu geus dilapisan hiji bahan kimia jeung dideukuetkeun kana sumber seuneu salila tujuh detik jeung hasilna teu kabeuleum.
Sagigireun éta, Asri Peni Wulandari ogé ngalakukeun panalitian ngeunaan mahalna harga tékstil tina rami jeung hasilna, proses produksi rami jadi tékstril kudu maké énérgi panas, bahan kimia, jeung sajabana ku prosés nu panjang pisan nepika mantes wé mun hargana mahal. Sanggeus mikanyaho fakta éta, inyana ogé sadar kana perluna alternatif téknologi nu leuwih murah pikeun mroduksi rami jadi tékstil.
Inyana ogé miboga kaahlian di bidang mikrobiologi nyieun panalitian lanjutan pikeun ngamanfaatkeun rami jadi tékstil. Rami mangrupakeun tutuwuhan nu kungsi booming dina dua dékade katukang jeung serat rami masih langka dipaké pikeun bahan industri tékstil kulantaran hargana nu maha, padahal tutuwuhan éta tuwuh subur di Indonésia.
Rami kaasup kana tutuwuhan jujukutan nu ukuranna teu badag geuing jeung maksimal luhurna ngan tilu méter. Tutuwuhan ieu lempeng jeung teu ngarancabang nepika bisa dimanpaatkeun pikeun serat, ceuk Asri Peni Wulandari.**
Sumber: jabar.antaranews.com
Foto: canva.com
