BANDUNG (NYUNDAYU), Saloba 2000 pamilon fun walk dipastikeun ilubiung ngameriahkeun poé milangkala (HUT) ka-85 Komite Olahraga Nasional Indonesia (KONI), nu bakal digelar di Lapangan Atlétik SIntétis, Komplék Olahraga Pajajaran, Bandung, Minggu (15/10).
Fun Walk HUT KONI Jabar ka-85 bakal dimeriahkeun ku artis nu kawentar geulis jeung miboga vokal nu ciamik Chitra Respati. Pamilon oge bakan diajak ajojing babarengan pikeun olahraga zumba nu bakal dipingpin ku instruktur zumba senior, Zin Wangi.
Sagigireun éta, aya pintonan performa ti DJ Jaka Sadida jeung Tsaqib nu nyieun acara HUT ka-85 KONI ini tambah ramé. “Kira-kira 2000-an leuwih pamilon fun walk bakal ilubiung ngaramékeun acara HUT KONI ieu. Salian ti masarakat umum, para atlét Jawa Barat jeung kulawarga ogé bakal milu partisipasi pikeun ngameriahkeun acara fun walk ieu,” ceuk Ketua Panitia HUT KONI Jabar ka-85, Herry Mei Oloan, di Gedung KONI Jabar, Sabtu (15/10).
Herry nyebutkeun, bakal hadir dina cara spésial éta jalma-jalma hébat nu suksés mawa préstasi olahraga boh di Jawa Barat oge nasional. Sebut waé Ketua Umum KONI Jabar nu keur soson-soson nyiapkeun diri ngahontal Jabar Hattrick Juara di PON XXI/2024, M. Budiana jeung Menteri BUMN nu ayeuna ngajabat salaku Ketua PSSI Pusat Erick Thohir.
“Mantan Gubernur Jabar nu kungsi mawa Jabar jadi juara umum PON XIX/2016 Ahmad Heryawan, mantan Gubernur Jabar nu ogé mawa Jabar pikeun kadua kalina nyangking juara umum PON di Papua, M. Ridwan Kamil jeung Pj. Gubernur Jabar nu dipiharep bisa méré aura positif pikeun atlét-atlét Jabar pikeun ngahontal hattrick juara umum dina PON XXI/2024 di Sumut jeung Aceh, Bey Machmudin,” ceuk Herry.
Pikeun nambahan daya tarik pamilon, panitia HUT KONI ogé geus nyiapkeun door prize jeung grand prize. “Jadi pikeun masarakat nu rék milu acara éta bisa daftar langsung ka Lapangan Atlétik Sintetis Pajajaran. Hayu masarakat nu rék hadir milu fun walk, fun games, fun gym, loba doorprize ogé, nonton spésial performance. Datang langsung wé ka Lapangan Pajajaran ngameriahkeun HUT KONI,” tutupna.**
Éditor: Dadan Hendaya
