BANDUNG (NYUNDAYU), – Basa Sunda salaku bagéan tina basa nu ngabeungharkeun khasanah Bahasa Nasional jeung bisa nguatkeun idéntitas bangsa nu hadir tina majemukna masarakat téh jadi salah sahiji niléy nu kacida luhurna.
Ku éksisténsi jeung mekarna basa daérah dina hal ieu basa Sunda gumantung kana sabaraha gedéna aténsi jeung kaseriusan komunitas masarakat, utamana masarakat éntitas pangajaran dina mungkusna ku kréasi jeung inovasi.
Dina raraga ngalaksanakeun tanggung jawab moral nu patali kuat jeung tugas nu diamanatkeun, MGMP Basa Sunda SMS ngalaksanakeun kagiatan Sawala Basa Indung “Sabandung”, poé Saptu (15/9/2022).
Kagiatan ieu digelar di SMPN 5 Kota Bandung nu diiluan ku para kepala sekolah, murid, guru-guru basa Sunda sakola negri jeung swasta.
Ketua MGMP Basa Sunda SMP Kota Bandung, Desi Triana nerangkeun kagiatan ieu miboga tujuan pikeun terus ngabumikeun basa Sunda nu beuki ditinggalkeun ku komunitas masarakat.
Program ieu diluncurkeun ku Disdik Kota Bandung minangka hiji wangun kapadulian masarakat éntitas pangajaran.
“Kagianan ieu jelas pisan miboga manfaat nu ageung pisan dina ngalahirkeun generasi nu micinta jeung paduli kana kaarifan lokal nu agung. Nadi generasi nu henteu ngahilapkeun kana akar budaya bangsana” teges Nana.
Kagiatan ieu dihadiran ku Asep Hidayat, Kepala SMPN 5 Bandung. Pananggung Jawab kagiatan Dra. Tatin Lesmanawati, Asep Ramdani jeung Entoh Toharudin salaku Pembina MGMP Basa Sunda.
Salian ti éta, kagian Sabandung dieusian ku ngagali basa Sunda ti narasumber, di antarana Kang Taufik Faturachman jeung Ganjar Kurnia.
Éditor : Abdul Basir
Sumber: bandungraya.inews.id
Foto: youtube.com/Dinas Pendidikan Kota Bandung
