BANDUNG (NYUNDAYU), – Kapolri Jenderal Pol. Listyo Sigit Prabowo ngabagikeun bingkisan Lebaran ka media jeung wartawan nu kagabung dina Jaringan Media Siber Indonesia (JMSI) Jawa Barat.
Aya 40 pakét bingkisan nu ditepikeun ku Bamin Spripim Polda Jabar Briptu Iriana ka Sekretaris JMSI Jabar Dadan Hendaya, nu hadir diréndéngan ku Bendahara Syahadat Akbar, di Mapolda, Jl. Soekarno-Hatta, Bandung, Senen (17/4).
“Kapolri ngalangkung Kapolda Jabar ngadugikeun pesen ka sadaya média, wilujeng lebaran, nyungkeun hapunten lahir sareng batin, sareng mugia tiasa sasarengan nyiptakeun kamtibmas nu kondusif salami liburan kapayun,” ceuk Riana.
JMSI nepikeun pangajén jeung ngahaturkeun nuhun pikeun kerja sama nu geus kajalin salila ieu. “Sadaya insan média nu kagabung dina JMSI ngaraos ngiring tanggeng waler kana kondusivitas situasi kamtibmas di Jabar,” ceuk Dadan.
Aya saloba 40 média nu kagabung dina JMSI Jabar. Arinyana kasebar di ampir sakuliah kabupatén-kota nu aya di Jabar.**
Éditor: Dadan Hendaya
