BANDUNG (NYUNDAYU), – Kahuruan nimpa ka Pasar Induk Caringin Kota Bandung dina Kemis (10/11/2022) janari. Pikeun mareuman seuneu, Dinas Pemadam Kebakaran dan Penanggulangan Bencana (Diskar PB) Kota Bandung ngerahkeun 13 armada.
Kepala Bidang Kesiapsiagaan Operasi Pemadaman dan Penyelamatan Diskar PB Kota Bandung, M Yusuf Hidayat nyaritakeun, seuneu laksana dipareuman sanggeus ditungkulan salila opat jam, sakumaha dikutip ti iNews.id, Kemis (10/11/2022).
“Total aya 13 armada nu ngiring mareuman (kahuruan) Pasar Caringin. Aya tujuh unit pancar sareng dua armada tangki nu ngiring mareuman seuneu,” ceuk M Yusuf Hidayat.
Numutkeun info, saloba 36 jongko buah di Blok E9, Pasar Induk Caringin, RT.003/04, Kalurahan Babakan Ciparay, Kacamatan Babakan Ciparay, Kota Bandung kabeuleum, Kemis (10/11/2022) janari. Seuneu geus laksana dipareuman ku tim Damkar.
Teu aya korban jiwa dina kajadian éta. Ngan saloba 36 jongka buah di Pasar Caringin tutung kabeuleum.
DIna upaya nungkulan éta, puluhan jongko laksana kasalametkeun. Di beulah kulan Blik E kasalametkeun 8 jongko bungbuahan ku lega sakitar 1.200 méter pasagi. Beulah wétan Blok E 10 jongko bungbuahan salega 650 méter pasagi, beulah kidul Blok D Ruko bungbuahan salega 2.115 méter pasagi, jeung beulah kalér wangunan bungbuahan salega 108 méter pasagi.
“Total niléy asét nu kasalametkeun sakitar Rp7,7 Miliar,” pokna.**
Sumber: juaranews.com/Aep
Foto: tiktok.com/infobandungkota
