BANDUNG (NYUNDAYU). – Présidén Jokowi, Ibu Nagara Iriana dibarengan ku sababaraha menteri ngayakeun kunjungan ka PT Samudera Indo Sejahtera (SIS) di Kota Tual, Rebo (14/9).
Dina kesempetan éta, Jokowi ningali prosés pakokolaan lauk. Salila ninjau unit pakokolaan lauk éta, Jokowi ngobrol jeung pamayang bareng tukang budidaya rumput laut. Jokowi hayang apal prospék pengembangan budi daya rumput laut di daérah éta.
Salah sahiji wawakiil ti tukang budidaya rumput laut ngajelaskeun yén kamekaran budidaya rumput laut di Kota Tual ngajangjikeun pisan. Hal éta, cenah mah mangrupakeun hasil gawé bareng anu hadé antara pamaréntah pusat, provinsi, nepika kota.
“Urang sadaya tukang budidaya atos kénging hasil nu saé kulantaran ayana damel bareng ti pamaréntah pusat atanapi pamaréntah provinsi sareng pamaréntah Kota Tual, janten hasil nu ayeuna téh lumayan ngajangjikeun.” ceuk wawakil éta.
Numutkeun manéhna, budidaya ieu ngajangjikeun kusabab dina samangsa, tukang budidaya rumput laut téh bisa ngahasilkeun panén opat kali ku rata-rata hasil panén sakitar 400 kilogram rumput laut.
“Janten tiasa saton, saton langkung sakedik. Budidaya di dieu ngajanjikeun pa,” pokna deui.
Tukang budidaya rumput laut éta ogé ngaku misukur ku harga rumput laut nu ayeuna di pasaran aya di harga Rp25.000 sakilona. Numutkeun manéhna, harga éta rada mahal lamun dibandingkeun ku harga rumput laut taun-taun kamari.
“Taun kapengker mah Rp15.000, Rp16.000. Kanggo urang sadaya tukang budidaya (ayeuna) mah atos cekap pisan,” ceuk perwakilan éta
“Ayeuna tos Rp25.000, Rp35.000 kasebat saé pisan. Ku Rp25.000 ogé sukur wé.” ceuk Présidén.
Menteri Pertahanan Prabowo Subianto, Menteri Perikanan jeung Kelautan Sakti Wahyu Trenggono, pangusaha nasional Tomy Winata, Gubernur Maluku Murad Ismail, Bupati Maluku Tenggara Muhamad Thaher Hanubun, Wakil Bupati Maluku Tenggara Petrus Beruatwarin, jeung Wali Kota Tual Adam Rahayaan miluan ngabaturan Jokowi jeung Ibu Iriana dina acara éta.
Éditor : Dadan Hendaya
