BANDUNG (NYUNDAYU.COM) – Ka posisi mana tokoh séntral PKS Jabar Dr. H. Haru Suandharu bakal dicalonkeun dina Pilkada 2024, jadi Gubernur Jabar atanapi Walikota Bandung? Éta jadi patanyaan munggaran Serial Diskusi Pilkada Jabar “Mencari Pemimpin Pilihan Rakyat”, nu diinisiasi Jaringan Media Siber Indonesia (JMSI) Jabar jeung PW Muhammadiyah Jabar, Senén (5/8).
Aya dua panelis diskusi, ahli pulitik Unpad Dr. Firman Manan jeung Sekretaris PW Muhammadiyah Jabar Dr. Iu Rusliana, nu nyobaan ngorék ka mana Ketua DPW PKS éta bakal balabuh.
“Abdi jalan-jalan sapanjang Jabar kidul, malahmah dugika pakampungan jeung juru Sukabumi, Cianjur Garut Selatan, baliho Kang Haru aya di mana-mana. Ieu nunjukkeun kasiapannana kanggo tandang di Jabar, janteu leres teu dipersiapkeun PKS kanggo tandang di Pilgub?” tanya Iu Rusiana.
“Abdi mah ngantosan paréntah partai. Pami disungkeun tandang di Jabar, siaap, upami ogé kedah di Kota Bandung, abdi siap ogé,” ceuk Haru, nu ngajawab santéy pisan kana kapanasaranan Iu atanapi forum pamilon diskusi.
Salaku kader PKS, inyana ngaku kudu siap ditugaskeun di lével jabatan naon ogé. “Abdi baris nampi naon ogé kaputusan partai. Kumargi partai pasti parantos ngémutan naon waé nu pangsaéna kanggo partai atanapi kapentingan sadaya masarakat. Pingpinan parantos ngémutan sacara saksama sual ieu,” ceuk Ketua Fraksi PKS DPRD Jabar ieu.
Inyana ngaku tacan meunang surat rékomendasi pikeun tandang di Pilgub atanapi Pilwalkot. Kaputusan ieu digodog kénéh di tingkat pusat, sabari mertimbangkeun sababaraha hal, kaasup masalah kapasitas calon.**
Éditor: Dadan Hendaya
