BANDUNG (NYUNDAYU.COM), – Ngan kasésa lima poé deui mapag poé pamilihan, dukungan ka pasangan capres Ganjr-Mahfud terus ngagolontor. Satutas tim rélawan Sahabat Mahfud Jawa Barat ngumpulkeun ratusan advokat ampir sabulan katukang, puluhan advokat di Sulawesi Selatan ngalakukeun hal nu sarupa saminggu kamari. Jeung ayeuna giliran puluhan advokat Yogyakarta nu ilubiung ku cara ngagelar déklarasi.
“Abdi misukur saatos Bandung sareng Makasar laksana, ayeuna para sahabat advokat di Yogyakarta nyatakeun kasiapannana ngadukung Pa Ganjar sareng Prof. Mahfud,” ceuk Koordinator Sahabat Mahfud Jabar, Iman Nurhaeman, ka média, Juma’ah (9/2).
Iman nyebutkeun, sabenerna loba pisan para sahabat advokat ti kota-kota lian nu nyatakeun dukungan ka paslon 03. “Ku ngagabungna seueur ahli hukum, ieu nandakeun yén ngan Pa Ganjar sareng Prof. Mahfud nu baris ngajantenkeun hukum salaku panglima di pamaréntahan.”
Sapoé satacanna, sakitar 50 advokat ti lintas organisasi advokat Daerah Istiméwa Yogyakarta jeung puluhan paralegal ngumpul di Silol Coffee. Aranjeunna ngadéklarasikeun dukungan ka Paslok Ganjar-Mahfud. Deklarasi ieu dilaksanakeun ku sukaréla jeung swadaya.
“Urang sadayana ngadukung pasangan Ganjar-Mahfud kumargi numutkeun urang sadaya, pasangan ieu nu pangsaéna dina danget ayeuna. Aranjeunna duaan nu tiasa nyanteurkeun Indonésia langkung saé, ngemutan aranjeunna ngagaduhan background pendidikan hukum sareng gaduh pangalaman nu pang mumpunina boh di lembaga législatif, lembaga éksékutif dugika yudikatif,” eusi déklarasi nu dibacakeun ku advokat Wahyu Priyanka Nata Permana.
Ieu eusi déklarasi lengkepna:
1. Kami Advokat dan Paralegal se Daerah Istimewa Yogyakarta siap mendukung dan memenangkan bapak Ganjar Pranowo dan Prof Mahfud MD sebagai presiden dan wakil presiden indonesia tahun 2024-2029 menuju indonesia unggul;
2. Kami Advokat dan Paralegal se Daerah Istimewa Yogyakarta siap mendukung bapak Ganjar Pranowo dan Prof Mahfud MD untuk menegakkan hukum secara adil, melindungi hak asasi manusia, memberantas korupsi, kolusi dan nepotisme, serta mengawal pemilu yang jujur dan adil tanpa campur tangan kekuasaan dan intimidasi;
3. Kami Advokat dan Paralegal se Daerah Istimewa Yogyakarta percaya bahwa bapak Ganjar Pranowo dan Prof Mahfud MD akan melindungi segenap rakyat indonesia, memajukan kesejahteraan umum, mencerdaskan kehidupan bangsa menuju bangsa dan negara indonesia yang unggul dan bermartabat. Ganjar Mahfud ..menang, menang, menang.
*Para advokat Yogyakarta bakal gawé babarengan jeung sakabéh advokat di sababaraha kota, pikeun meunangkeun Ganjar-Mahfud,” ceuk advokat M. Selamat Jupri, nu oge hadir di tempat déklarasi.”
Éditor: Dadan Hendaya
