BANDUNG (NYUNDAYU), Ketua KONI Jabar Dr. M. Budiana ngaleupas sacara resmi pagelaran Fun Walk, dina raraga ngarayakeun HUT ka-85 KONI Jabar, Minggu (15/10). Sakitar 2.000 pamilon ti keluarga besar olahraga Jabar jeung masarakat umum, ilubiung sarta leumpang ngaliwatan rute Jl. Pajajaran, Cicendo, Kebon Kawung, Pasirkaliki jeung balik deui ka Lapang Atlétik Jl. Pajajaran, Kota Bandung
Dina sambutanna, Budiana nyebutkeun, event ieu digelar pikeun babagi kabagja jeung rasa sukur, kulantaran KONI tetep eksis pikeun ningkatkeun préstasi olahraga. “Abdi oge nyungkeun piduana ti sakumna warga, yeun Jabar baris ngiring PON XXI di Sumur sareng Acéh taun payun. Mugia kahoyong janten juara umum tiasa janten kawujud deui,” tegesna.
“Nyungkeun piduana mugia urang sadaya tiasa nyandak Jabar hattrick juara, saatos laksana ngarebut gelar juara di Jabar taun 2016 sareng mertahankeun gelar di Papua dina PON XX/2020 kamari. Urang sadaya teras ningkatkeun kualitas janten nu pangunggulna di sadaya cabang olahraga,” tandes Budiana nu janten ogé Wakil Réktor Unpas ieu.
Sekretaris Panitia Fun Walk Uyung Rommy Zulkarnaen, nepikeun dina pakait parayaan HUT ieu, salian Fun Walk, KONI oge ngagelar FUn Games jeung Fun Gyn. Sagigireun éta, aya panganugerahan panghargaan ka tokoh nu miboga jasa ngagedékeun dunya olahraga. “Urang sadaya ngahadirkeun pangung hiburan, ngahadirkeun artis Chitra Respati. Sareng disayogikeun oge doorprize nu seueur pisan,” pokna.
“Urang sadaya ngahaturkeun nuhun, kumargi Pa Ridwan Kamil engkin tiasa hadir janten salah sahiji nu nampi panghargaan. Urang ogé nuju ngantosan kénéh konfirmasi ti Meneg BUMN Erick Tohir sareng Pa Ahmad Heryawan,” émbohna.**
Éditor: Dadan Hendaya
