BANDUNG (NYUNDAYU.COM), – Ketua Kesatuan Perempuan Partai Golkar (KPPG) Jabar Cucu Sugyati meredih ka sakumna pangurus KPPG Tingkat Daérah nepika Désa silih bantu pikeun meunangkeun Partai Golkar di Pemilu 2024.
KPU RI geus netepkeun palaksanaan Pemilu 2024 nyaéta baris lumangsung dina tanggal 14 Pébruari nu datang.
“Abdi nyungkeun ka sadaya pangurus sareng kader KPPG kanggo silih rojong paéh poso kanggo kameunangan Partai Golkar di 2024. Waktos urang kanggo ngengingkeun Golkar sakedik deui, nyaéta dugika suksés dina Hari Kasih Suara kaping 14 Pébruari 2024 nu ka payun,” ceuk Cucu nu oge wakil ketua SOKSI Jabar.
Cucu oge terus ngadorong diwanguna kapangurusan KPPG di sakuliah wewengkon di Jabar. Hal éta geus jadi targét pikeun ngadongkrak sora Golkar di Jabar dina pemilu nu datang.
“Alhamdulillah pami tingkat kacamatan parantos kabentuk sadayana. Abdi miharep KPPG Tingkat Désa oge tiasa kabentuk saénggalna di sakuliah Jabar,” pok Cucu nu oge Wakil Ketua Komisi IV DPRD Jabar ieu.
Numutkeun inyana, ku gancangna dibentuk kapangurusan KPPG nu lengkep nepika tingkat désa bakal karasa mangpaatna ku sakumna masarakat.
“Kumargi istri nu aktif sareng pamikiranna maju, janten salah sahiji konci kalaksanana pangwangunan,” ceuk Caleg DPRD Jabar ti Dapil 2 (Kab. Bandung) ieu.**
Bas
