BANDUNG (NYUNDAYU.COM), – Ketua Kesatuan Perempuan Partai Golkar (KPPG) Jabar Cucu Sugyati nyaksikeun palantikan jeung pangukuhan 31 Pangurus KPPG Tingkat Kacamatan, sa-Kabupatén Kuningan, di kantor DPD Partai Golkar Kabupatén Kuningan, tungtung minggu kamari.
Palantikan jeung pangukuhan dilakukeun Ketua KPPG Kabupatén Kuningan Saw Tresna, disaksikeun ku Ketua DPD Partai Golkar Kabupatén Kuningan Asep Setia Mulyana
Palantikan sacara maraton Pangurus KPPG Kacamatan jeung Désa geus jadi targét KPGG Jabar, pikeun di sakuliah wewengkon Jabar kabentuk kapangurusan. “Alhamdulillah pami tingkat kacamatan parantos kabentuk sadaya. Abdi miharep KPPG Tingkat Desa oge tiasa kabentuk saénggalna di sakuliah Jabar,” pok Cucu nu oge Wakil Ketua Komisi IV DPRD Jabar, satutas nepikeun sambutan.
“Abdi miharep gerak cepat kabentukna kapangurusan nu lengkep dugika tingkat desa, ku kituna tiasa karaos mangpaatna ku masarakat. Kumargi wanoja nu aktif sareng pamikiranna nu mahu janten salah sahiji konci kalaksanana pangwangunan,” ceuk caleg DPRD Jabar ti Dapil 2 (Kab. Bandung) ieu.
KPPG, inyana neruskeun, nyaéta organ partai nu miboga tugas pikeun ilubiung ngameunangkeun Partai Golkar dina Pemilu. “Ku kituna, abdi nyungkeun ka sadaya pangurus sareng kader KPPG kanggo silih rojong paéh poso kanggo kameunangan Partai Golkar di 2024. Waktos urang kanggo ngéngingkeun Golkar sakedik deui, nyaéta dugika suksés dina Hari Kasih Suara di tanggal 14 Februari 2024 ka payun,” tandes Wakil Ketua SOKSI Depidar Jabar ieu.
Samentara éta Saw Tresna nyebutkeun, palantikan ieu oge dimotivasi ku sumanget HUT Partai Golkar ka-59 jeung dipiélingna Hari Sumpah Pemuda ka-95.**
BaS
