BANDUNG (NYUNDAYU), – Pansus I LKPJ DPRD Jawa Barat ngalakukeun kunjungan kerja ka Jalan Tol CIsumdawu, Rebo (5/4/2023). Kunjungan éta miboga maksud pikeun ngamonitor jeung nepikeun saran dina bahasan Laporan Keterangan Pertanggungjawaban (LKPJ) Gubernur Jawa Barat Taun 2022
Saméméhna, Gubernur Jawa Barat Muhammad Ridwan Kamil nepikeun LKPJ taun 2022 ka DPRD Jawa Barat. Nindak lanjut LKPJ Gubernur éta, DPRD Jabar ngabentuk Pansus pikeun ngabahas laporan éta.
Wakil Ketua Pansus I LKPJ Gubernur Jawa Barat H. Yod Mintaraga nyebutkeun yén DPRD Jawa barat geus ngabentuk Pansus nu dipingpin ku Jajang Rohana (Fraksi PKS), jeung Wakil Ketua Yunandar (Fraksi PDIP) sarta Yod Mintaraga (Fraksi Partai Golkar)
Dina kunjungan éta, Yod miharep proyék pangwangunan jalan tol Cisumdawu geura dibéréskeun ku jalaran hadé jeung luyu jeung targét. Ayeuna, pangwangunan kakara nepi ka tahap persiapan di tungtung Sumedang jeung Dawuan.
Pangwangunan jalan tol éta oge dipiharep réngsé jeung ngabantu kalancaran arus mudik taun 2023. Siga nu geus dipikanyaho, jalan tol Cisumdawu dirancanakeun bisa diliwatan sacara fungsional dina 15 April 2023. “Mugia tiasa dibuka fungsional 15 April, mudah-mudahan tiasa ngabantos Korlantas ngatur lalu lintas ka Jateng ti Jabar,” pokna.**
Éditor: Dadan Hendaya
