BANDUNG (NYUNDAYU), – SOKSI Jawa Barat sukses ngagelar Rakerda tingkat provinsi nu dihadiran ku 24 Depicab kota kabupatén, pangurus Depidar jeung sakabéh lembaga konséntrasi (lemkos), dina Saptu (18/3) di kantor DPD Partai Golkar, Jl. Maskumambang Kota Bandung.
“Abdi ngucapkeun sukur sadaya rangkayan acara lumangsung saé sareng aman. Sakitar 250 kader SOKSI ngiring ngabeureuman kantor Golkar,” ceuk Ketua Organizing Committee (OC) Rakerda, Dr. Hj. Cucu Sugyati, satutas panutupan acara.
Anggota DPRD Jabar ieu nepikeun aprésiasi ka para peserta, liwat diskusi-diskusi nu kalintang produktif pikeun kamekaran organisasi. “Matéri konsolidasi organisasi seueur pisan nampi respon ti rerencangan daérah atanapi dépicab,” pokna.
Cucu nu ogé Ketua Kesatuan Perempuan Partai Golkar (KPPG) Jabar ieu oge ngedalkeun kareueusna, ku hadirna Waketum DPP Partai Golkar Ridwan Kamil, nu nepikeun keynote speech.
“Matéri nu didugikeun Pa Ridwan Kamil aya ku luar biasana. Sadaya kader janten kamotivasi kanggo nyangking simpati masarakat, utamana ti para pamilih pemula,” ceuk inyana.**
Éditor: Dadan Hendaya
