BANDUNG (NYUNDAYU), – Waketum Partai Golkar bidang Penggalangan Pemilih, RIdwan Kamil, ngawanti-wanti sakabéh kader partai pikeun paéh poso dina wates mangsa nu pondok pisan.
“Waktosna kantun sakedik, 2024 parantos caket. Ku kituna, ikhtiar kedah langkung getol di taun pulitik ieu. Tugas manusa nyaéta ikhtiar sinareng du’a-du’a. Hiji takdir mah wilayah Allah, samentara ikhtiar téh tugas manusa,” ceuk Ridwan Kamil, basa nepikeun arahan dina Rakerda Depidar SOKSI Jabar, di kantor DPD Partai Golkar Jabar, Saptu (18/3).
Inyana negeskeun saeutikna nonoman nu kairut ku pulitik. Padahal jumlah pamilih anom luar biasa badagna. “Naha mung hiji koma sabaraha persén nonoman nu kairut ka pulitik? Kumargi nu aya dina berita, nu diekspos mung kaawonan-kaawonan dunya pulitik,” ceuk lalaki nu akrab disebut Kang Emil ieu.
Kulantaran éta, émbohna, kader SOKSI dipénta pikeun nyieun kontén-kontén nu pikaresepeun, nu eusina kinerja organisasi. “Carioskeun naon nu dipidamel ku organisasi, dugika pamilih-pamilih nu apatis éta kairut. Seueuran jejak digital, sadinten tilu kali sapertos ngaleueut landong,” pokna.
Kang Emil ngidinan pangurus SOKSI jeung Partai Golkar pikeun nganggo préstasi Gubernur Jabar, nu nyaéta kader partai, salaku bukti préstasi organisasi dina komunikasi-komunikasi pulitikna.
DIna bagéan lain statemenna, Emil nyebutkeun aya tilu alesan kunaon inyana bogoh ka Golkar. “Kahiji, Golkar nyaéta partai tengah, nu teu dipikahilap teu ka kénca atanapi katuhu teuing. Kadua, gaduh instrumén pang kerénna dina atikan pulitik, nyaéta Golkar Institute. Nu katilu, Golkar gaduh palayanan publik sapertos Yellow Clinic. Ka payunna, abdi hoyong ngadamel Golkar Quick Response for Humanity,” jelasna.**
Éditor: Dadan Hendaya
