CIAMIS (NYUNDAYU), – Mun urang hayang ngarasakeun kaéndahan sorga nu langka didatangan kénéh di Jawa Barat, jawabanna nyaéta kudu ngajugjug ka Curug Tujuh Cibolang. Curug Tujuh Cibolang nyaéta salah sahiji tempat wisata alam nu aya di Kabupatén Ciamis, Jawa Barat. Curug nu luhurna kurang leuwih 120 méter ieu, midangkeun sima kaéndahan nu bisa ngaleupaskeun urang tina stréss pagawéan.
Curug Tujuh Cibolang ieu lain curug nu tipeuna ngéntép, tapi miboga 7 aliran curug. Hal ieu nu ngajadikeun daya tarik jeung khasna wisata alam Curug Tujuh Cibolang.
Ngan, jarak ti curug nu hiji jeung lainna lumayan jauh kira-kira sakilométer leuwih. Curug Tujuh Cibolang nu kahiji luhurna nepi 120 méter ku lega nepika 20 méter. Dina curug nu kahiji ieu, aliran caina jadi nu pangbadagna di antara kagenep curug lianna.
Curug ieu aya di lokasi wewengkon Gunung Sawal Ciamis, nu sumber caina sorangan asalna ti hiji cinyusu nu ngaranna Cimantaja. Ku kituna, teu héran mun cai di Curug Tujuh ieu meni herang jeung beresih.
Sajarah Curug Tujuh Cibolang nu kakoncara nyaéta baheula aya saurang raja nu sedih kulantaran ketarajang halodo nu panjang. Ku kituna, kondisi masarakatna aya dina kaayaan ngaprihatinkeun jeung sang raja éta terus indit pikeun tatapa jeung ngadu’a.
Ngan sanggeus lila ngadu’a, tacan oge kakabul-kabul nepika inyana ceurik teu eureun. Ajaibna, cipanon sang raja robah jadi hiji cinyusu nu ayeuna ngaliran Curug Tujuh Cibolang.
Pikeun ngajugjug ka Curug Tujuh Cibolang, cukup ngaluarkeun biaya Rp7.500 saurang. Aya ogé biaya tambahan nu kudu dikaluarkeun, nyaéta rétribusi tikét parkir kandaraan Rp3.000 pikeun motor jeung Rp.5.000 pikeur parkir mobil.
Datang ka destinasi wisata alam Curug Tujuh Cibolang ieu ogé geus miboga jalan nu alus, jadi aman pikeun kandaraan pangunjung. Alamat lengkepna nyaéta aya di Sandingtaman, Panjalu, Kabupatén Ciamis, Jawa Barat.
Curug Cibolang ieu jarakna kurang leuwih 33 km ti pusat kota Ciamis, atanapi méakkeun waktu 60 menit mun naék kandaraan.**
Sumber: bandungraya.inews.id
Foto: citratrans.com/hida sarif
