BANDUNG (NYUNDAYU), – Salian barongsai, Taun Baru Imlék ogé idéntik jeung lampion. Ayana lampion ieu jadi tangara pikeun warta Tionghoa nu rék atanapi keur ngarayakeun poé Imlék.
Lampion mangrupakeun sarupa lantera nu biasana dijieun tina keretas nu aya Lilin di jerona. Di Taun Baru Imlék, biasana lampion bakal miboga warna beureum nu euceuy.
Lampion jadi salah sahiji hiasan Salian ti lilin nu tara kungsi absen dina parayaan Imlék. Di sabudeureun kelenténg, biasana sok loba lampion ngagantung sapapanjang jalan.
Mangsa peuting, cahaya lampion nu hurung bakal nambah raména Taun Baru Imlék. Biasana lmpion bakal hurung nepika 15 poé sanggeus Taun Baru Imlék.
Ku kituna, aya nu apal teu sajarah ngeunaan lampion dina mangsa parayaan Imlék? Mun tacan, di handap ieu nyaéta sajarah lampion nu jadi ikon Taun Baru Imlék.
Sajarah lampion Imlék dimimitian ti mangrébu-rébu taun ka tukang jaman Dinasti Han Timur (25 – 220 Maséhi). Dina jaman éta, rangka lampion dijieun tina awi, kai atanapi jarami gandum.
Saterusna neundeun lilin di tengahna jeung mébérkeun kaén sutra atanapi keretas pikeun ngajaga ambéh seuneu teu katebak angin. Lampion dina mangsa éta miboga fungsi nu sederhana nyaéta jadi sumber cahaya jeung ngusir sato galak.
Luyu jeung mekarna jaman, biksu-biksu buddha ngadopsi lampion pikeun ritual ibadah dina poé ka-15 bulan kahiji kalénder lunar. Unggal jelema nu ngiluan ritual éta, numutkeun instruksi kaisar kudu ngahurungkeun lampion jeung terus dibawa ka istana Luoyang salaku wangun panghurmatan ka buddha. Dicaritakeun Li Zicheng jeung pasukanna teu ngaganggu imah nu digantungan lampion basa nyerang kota Kaifeng.
Basa panjaga kawalahan ngabuka panto bendungan pikeun ngéléhkeun pasukan Li, banjir ogé nyerbu ka imah-imah warga. Ku kituna para warga terus naék kana susuhunan sabari mawa lampion.
Saterusna Li bareng jeung pasukanna nyalametkeun warga sabari mawa lampion nu dijadikeun alat panyaangan. Ku kituna, bangsa Tionghoa sok ngagantungkeun lampion beureum mun parayaan penting siga Imlék pikeun miéling kapahlawanan Li.
Lampion Cina biasana bakal digantung di hareupeun imah, jalan atanapi wangunan nu jadi simbol pikeun ngusir roh jahat. Dina poé ka-15 dina kalénder lunar, masarakat Tionghoa bakal ngarayakeun féstival lampion pikeun nutup parayaan Taun Baru Imlék.
Saterusna tradisi éta robah jadi féstival nu dirayakeun unggal taunna pas mangsa dinasti Tang (618-907).
Loba carita legénda nu pakait jeung lampion. Salah sahijina carita ngeunaan saurang pamingpin pangbarontakan patani di tungtung mangsa dinasti Ming (1368-1644), nyaéta Li Zicheng.**
Sumber: bandungraya.inews.id
