KAMPALA (NYUNDAYU),- Aya hiji kajadian ahéng nu ngalibatkeun hiji kuda nil lumangsung di Uganda. Hiji kuda nil badag nu keur ambek neleg saurang budak lalaki umur 2 taun nu ahirna diutahkeun deui dina kaayaan hitup-hirup. Budak lalaki éta, nu dipikanyaho ngaranna Iga Paul, diutahkeun deui ku kuda nil sanggeus warga satempat nu ambek jeung reuwas, ngabalédogan sato mamalia nu keur kalaparan éta ku batu.
Ahéngna, kajadian éta lumangsung di bulan April taun ieu, ngan karék dilaporkeun ka pulisi di awal minggu ieu nalika rékaman videona jadi viral sacara lokal. Serangan éta lumangsung di basisir Danau Edward, jeung katémbongna kuda nil éta nyerang budak lalaki nu keur ulin di luar imahna tanpa pangawasan.
“Ieu nyaéta insidén munggaran di mana hiji kuda nil nyasab ti Danau Edward jeung nyerang saurang budak leutik,” ceuk kapulisian satempat. “(Kuda nil) éta néwak budak éta tina sirah jeung neleg satengah awakna,” ungkab pulisi. “Dibutuhkeun kawani saurang Chrispas Bagonza, nu keur aya deukeut ti dinya, pikeun nyalametkeun korban sanggeus inyana malédogan kuda nil sabari nyingsieunan, nu nyababkeun dileupaskeunna korban tina sungutna,” ceuk pulisi siga dikutip ti Daily Star, Saptu (17/12/2022).
Budak éta saterusna dibawa ka klinik satempat, satacan dipindahkeun ka rumah sakit pikeun narima parawatan nu leuwih lanjut. Tacan jelas tatu naon nu kaalaman ku budak éta, ngan inyana dibéré vaksin rabiés, nu dipikanyaho dibawa ku kuda nil éta. Laporan nunjukkeun yén kuda nil éta ngan ulin jeung budak éta, lain rék didahar, kulantaran kuda nil mah végétarian, ngan bisa nyerang manusa mun ngarasa kaancam.
Sumber: internasional.sindonews.com
Foto: canva.com
