BANDUNG (NYUNDAYU), – Lord Rangga, pupuhu Sunda Empire nu kungsi nyedot aténsi publik kamari-kamari ieu, parantos tilar dunya. Informasi ieu datang ti pesen singget nu ditarima ku pawarta. Inyana dilaporkeun tilar dunya di salah sahiji rumah sakit di daérah Brebes, Jawa Tengah poé Rebo, 7 Désémber 2022.
“Innalillahi wa innailihi rojiun Parantos ngantunkeun Ki Ageng Ranggasasana alias Lord Rangga Bin almarhum Murwat Hadi Wijaya dina jam 05.30 WIB di RS Mutara Bunda Brebes,” tulis pesan singkat WhatsApp nu sumebar di kalangan pawarta. Warta ngantunkeunna lalaki nu miboga ngaran asli Ki Ageng Ranggasasanan ieu meunang sorotan ti warganét. Dumasar kana pantauan Tékno Liputan6.com, Rebo (7/12/2022), keyword Lord Rangga ayeuna jadi Trénding Topic di Twitter. Nepika berita ieu ditayangkeun, aya saloba 12,4 rebu keyword Lord Rangga nu dicuitkeun warganét. Lolobana tina cuitan éta eusina ngucapkeun belasungkawa mangkatna lalaki umur 55 taun éta.
“Rest in peace, Lord Rangga,” tulis salah sahji akun nu ngaranna @0xbigwinjoji. Samentara akun séjén nu ngaranna @Bxavieradams nyuitkeun “Ya Allah sedih, innalillahi wainnailayhi rojiun, mugia amal lord rangga ditampi. Aamiin.”
“Pileuleuyan, Lord Rangga,” tulis @ndorokakung. Terus akun lain nu ngaranna @NastarBubuk nulis, “Ngiring belasungkawa ku ngantukeunna Lord Rangga. Urang sadaya kaicalan sosok anjeunna.”
Sanajan kitu, Erwin Syahduddi salaku éks kuasa hukum Lord Rangga tacan mikanyaho sabab musabab ngantunkeunna kaasup panyakit naon nu ngarandapannana.
“Kanggo panayawatna naon, kanyerina naon teu acan kénéh kapaluruh kumargi suasana ayeuna ieu nuju berkabung kénéh,” pokna.
Nuju di Bekasi, putra Lord Rangga langsung ngajugjug ka Brebes sanggeus apal warta ngantunkeunna sang bapa. Warta Lord rangga ngantunkeunna ieu bener jeung lain hoaks kulantaran anakna oge geus ngonfirmasi. “Kaleresan tadi enjing konfirmasi ka putrana, muhun leres wartosna sareng putrana ogé nuju dina perjalanan ka Brebes ti Bekasi,” ceuk Erwin Syahdaddi.
Aya sangkaan pesen singget nu ditarima ku pawarta ngeunaan ngantunkeunna Lord Rangga dikirimkeun ku kulawarga jeung dulur deukeutna.
“Mohon doa panjenengan sedoyo Semoga beliau husnul khotimah Aamiin ya robbal alamin Ttd Keluarga Besar Alm. Murwat Hadi Wijaya,” tulis pesen singget éta.
Sumber: liputan6.com
Foto: instagram.com/lordranggaofficial
