LEICESTER (NYUNDAYU), – Anjing ti baheula geus kasohor ku kacerdasannana. Loba panalungtikan nu nyebutkeun yén anjing téh bisa apal kana éksprési paroman jeung paham kana naon nu diomongkeun ku manusa. Malah mah, kacatet aya anjing pangpinterna di dunya nu bisa nginget jeung apal kana 1.022 kecap barang.
Di Inggris, salah sahiji kacerdasan nu ditémbongkeun ku anjing katingali dina hiji video nu diposting ku Facebook Leicestershire Police.
Harita, aya hiji anjing nu kukurilingan basa keur leuleumpangan di Inggris panggih deui jeung nu bogana sanggeus anjing éta asup ngaliwatan panto hareup kantor polisi.
Polisi Leiscestershire mosting video ka Facebook nu némbongkeun hiji border collie nu ngaranna Rosie lalaunan asup ka Kantor Polisi Loughborough ngaliwatan panto otomatis.
“Staf di dieu nyandak cai kanggo Rosie sareng seueur nu wanoh ku raména. Sukur wéh Rosie nganggo kangkalung, jadi aya pituduh kanggo ngonték nu gaduhna, nu bungahna mah basa Rosie kapendak dina kaayaan aman sareng séhat,” ceuk dina postingan éta..
Ceuk nu bogana mah anjing éta téh geus kukurilingan leuleumpangan jeung anjing séjénna.***
Sumber: upi.com/Ben Hooper
