BANDUNG (NYUNDAYU), – Kebon Binatang Bandung atanapi Bandung Zoo nyaéta salah sahiji tempat wisata nu jadi andelan pikeun rékreasi di Kota Bandung. Di unggal ahir minggu atanapi liburan, Bandung Zoo sok pinuh ku para wisatawan, boh ti warga Kota Kembang atawa wisatawan ti luar daérah. Dilansir ti sababaraha sumber, Bandung Zoo ieu mimitina dijieun ku Bandung Zoological Park (BZP) di taun 1930.
Bandung Zoo téh baheula mah kawentar ku ngaran Derentén atanapi dina basa Walandana Direntuin, nu miboga harti kebon binatang. Disahkeunna tempat wisata ieu dilakukeun langsung ku Gubernur Jenderal Hindia Belanda nu kacatet dina kaputusan 12 April 1933 No. 32. Ngan, dina mangsa penjajahan Jepang, kebon binatang ieu teu kaurus.
Tungtungna, ku inisiatif ti Radén Éma Bratakusumah, Bandung Zooligal Park ieu dibubarkeun, terus didirikeun Yayasan Margasatwa Tamansari. Nepika ayeuna, Bandung Zoo mangrupakeun salah sahiji tempat wisata andelan pikeun rékréasi.
Bandung Zoo ieu legana ampir 14 héktar, dimana pangunjung bisa ningali koléksi sato nu leuwih ti 800 individu, mimiti ti mamalia, aves, reptil, jeung lalaukan. Teu ngan bisa ningali rupa-rupa koléksi sato, Bandung Zoo oge boga fasilitas lainna siga Taman Bermain Anak, Wahana Tunggang (Gajah & Onta), Parahu Kayuh, jeung nu séjénna.
Salah sahiji nu jadi favorit para pangunjung di Bandung Zoo nyaéta Various Animal Show (pagelaran aksi sato). Pagelaran nu lumangsung dina panggung utama ieu midangkeun atraksi-atraksi nu ngirut tina sababaraha hiji sato di antarana Manuk Rangkong, Manuk Kakatua Jambul Konéng, Anjing Pudel, jeung Binturong. Atraksi ieu dipidangkeun dina poé Senén – Jumat jam 10.30 jeung poé Saptu – Minggu (10.30 & 14.30 WIB).
Salian ti éta, pangunjung bisa ngabadikeun momen resepna ulin di Bandung Zoo jeung sababaraha hiji sato siga manuk bayang, manuk macau, heulang borontok, manuk kakatua, binturong jeung oray.
Aya ogé kubah manuk nu badag nu luhurna 12,5 méter. Asup ngaliwatan skywalk, di aréa kubah manuk éta pangunjung meunang mére parab nu geus disadiakeun ku Bandung Zoo.
Tarif tikét Bandung Zoo ieu unggal poéna nyaéta Rp40.000. Harga tikét éta geus kaasup jeung Wahana Perahu Dayung jeung Taman Bermain.
Mun mawa rombongan minimal 30 urang, harga tikéta asupna Rp32.500 (teu lumaku dina poé Minggu/libur nasional). Bandung Zoo nyadiakeun Zoo Educator (pemandu) pikeun pangunjung nu ngabutuhkeun.**
Sumber: bandungraya.inews.id/Rizal Fadillah
Foto: bandung-zoo.com
