BANDUNG (NYUNDAYU), – Masker, topi, jeung helm “anti niron” nu dipaké ku mahasiswa Filipina jadi viral di media sosial. Para mahasiswa ti Fakultas Teknik Universitas Bicol di Filipina ieu maké panutup sirah kréatif pikeun maranéhna basa ngiluan ujian tengah semester awal minggu ieu.
Mananéhna teu ngalakukeun éta kulantaran baong, tapi aya instruksi ti profésorna.
Dina hiji postingan Facebook, Profesor Mary Joy Mandane-Ortiz nyebutkeun yén inyana ménta murid-muridna pikeun nyiapkeun tutup sirah pikeun ujian tengah semester.
Inyana mére izin sabébas-bébasna ide nu kapikiran, jeung murid-muridna nurut. Sababaraha désain maranéhna némbongkeun bahan daur ulang siga karton endog jeung kantong kertas. Nu séjénna make gantungan baju, helm sapéda motor jeung anduk. Jeung loba nu nambahakeun gambar maranéhna sorangan dina tutup sirahna.
“Abdi mikacinta sareng (abdi) reueus ka siswa abdi kulantaran ujian tengah semester teknik aranjeunna tiasa beurat jeung ngadamel stréss, mung aranjeunna laksana nambihan sababaraha warna sareng mamanis,” tulis Prof Mandane-Ortiz. “Hatur nuhun, siswa. Abdi mikareueus aranjeun.”
Profesor éta nyokot inspirasi tina hiji universitas di Thailand nu ngawajibkeun mahasiswana kudu maké kalengkepan siga panutup mata kuda nu dijieun tina kertas ambéh panon teu kamana-meni di taun 2013. DIna mangsa éta, Universitas Kasetsart loba dikritik nétizen Thailand, jeung tindakan “anti niron” éta terus gancang dibatalkeun.**
Sumber: straitstimes.com
