BANDUNG (NYUNDAYU), – Gubernur Jawa Barat, Ridwan Kamil ngaprésiasi ditayangkeunna film Before, Now and Then (Nana) ku ngagunakeun dialéktika Sunda.
FIlm ieu ngiluan kompetisi jeung film séjénna di Festival Film Internasional Berlin ke-72 di Fébruari 2022. Salian ti éta ogé laksana nyabet rupa-rupa panghargaan jeung diaprésiasi ku 17 nagara kalayan 50 tempat nu béda.
“Dinten ieu urang nyaksian jeung ngabagéakeun hiji kajadian bersejarah. Disebat bersejarah kumargi film di éra ayeuna ieu nganggo basa daérah, hususna basa Sunda nu hasilna luar biasa,” ceuk Emil, ngaran akrabna, sanggeus nongton film Before, Now and Then (Nana) di XXI Cihampelas Walk, Salasa (18/10/22).
Numutkeun Emil, ku dipakéna basa daérah (Sunda) jadi hiji gebrakan nu nyata dina ngalestarikeun deui kabudayaan daérah. “Di tengah gempuran langkung kirangna dianggona basa indung, urang sadaya gaduh médium mangrupi film nu tiasa ngaronjatkeun deui sumanget kabudayaan, yén urang sadaya téh leres beunghar ku niléy-niléy idéntitas,” pokna. Emil oge ngaku kagagas basa nongton film nu latarna Indonésia taun 60-an, paska kamerdekaan. Dimimitian ku ngalunna musik, sarga géstur ti para pemeran nyieun émosi panongton ngilu kabawa ka jero suasana éta film.
“Sacara sinématografi salaku moviegoers, abdi ngaraos kagagas. Sinématografina, musikna kerén pisan, abdi ngaprésiasi. Dugika teu kedah nyarios ogé abdi perhatoskeun émosina ngalir kumargi faktor kualitas tina musikalna ogé luar biasa,” Emil ngajelaskeun.
Pemprof Jabar liwat Dinas Pendidikan Jawa Barat ogé ngadukung pinuh produksi film éta ti mimiti. Hal éta salaku komitmen nyata ti pamaréntah dina ngarojong industri film Indonésia di kancah Internasional.
“Film ieu didukung ti ngawitan ku Pémprov Jabar. Urang support rupa-rupa fasilitas kumargi leres abdi palay pisan tatar Jawa Barat dijantenkeun lokasi-lokasi syuting. Badé kontéks jaman baheula, wangunan héritage oge seueur di Bandung. Alamna nu éndah, sadaya aya, kalebet kampung nu karuhun kénéh di Ciptagelar,’ pokna.
Sagigireun éta, sutradara film Before, Now and Then (Nana), Kamila Andini nyebutkeun, pamakéan basa daérah salaku wangun éksplorasi budaya lokal di Indonésia.
“Abdi teras satiasana upaya nganggo basa lokal, sareng ngaéksplorasi budaya lokal di Indonésia. Dina film ieu, kasempetan nu spésial sareng ngabagéakeun pisan kumargi pami nyarios perkawis taneuh sareng akar budaya nyalira, kulawargi abdi sadayana ti Jawa Barat,” sebutna.
Kepala Dinas Pariwisata dan Kebudayaan Jabar, Benny Bachtiar nyebutkeun, tradisi budaya bisa ngadunya mun dibungkus ku konsép nu hadé.
“Urang sadaya tiasa ngabuktoskeun yén tradisi budaya téh tiasa ngadunya. Ieu sajarah kanggo masarakat Sunda,” ceuk Benny.
Benny nyebutkeun, film Nana bisa jadi moméntum nu alus keur pamaréntah atanapi sinéas pikeun leuwih ngaéksplorasi poténsi sajarah lokal nu diangkat jadi hiji karya.
Komo, numutkeun Benny, loba carita legénda nu bisa diangkat jadi film.**
Sumber : bandungraya.inews.id/Rizal Fadillah
Foto: liputan6.com
