BANDUNG (NYUNDAYU). – Salian geus jadi déstinasi wisata fashion jeung kulinér, Bandung ayeuna geus kakoncara jadi tujuan para wisatawan pikeun aktivitas camping atau kémah. Salah sahiji tempat panghadéna nu bisa dijadikeun réferénsi nyaéta Bumi Perkemahan Ranca Cangkuang. Perenahna di wewengkon Bandung Selatan, Bumi Perkemahan Ranca Cangkuang ieu katelah ku panénjoan alam nu alami jeung éndah kénéh, hawana tiis halimunan sarta suasanana nu tenang jauh ti pakotaan.
Dilansir ti sababaraha sumber, Bumi Perkemahan Ranca Cangkuang nyaéta tempat wisata alam nu miboga konsép outdoor siga camping ground nu ayeuna beuki dipikaresep ku loba wisatawan di mangsa sasalad.
Kaleuwihan Bumi Perkemahan Ranca Cangkuang ieu nyaéta aya cai walungan kamalir di sisieun ténda nu hérang kénéh jeung suasana alamna nu tiis kénéh.
Aksés pikeun ngajugjug ka tempat wisata Bumi Perkemahan Ranca Cangkuang ieu gampang pisan, Anjeun bisa maké kandaraan motor atanapi mobil. Lokasina aya di desa Mekarsari, Gambung, Kacamatan Pasirjambu, Kabupatén Bandung.
Pikeun nu maké mobil pikeun ngajugjug ka Bumi Perkemahan Ranca Cangkuang ieu ngan bisa ngaliwatan panto kaluar Tol Soréang Pasirkoja ka arah Ciwidéy. Satutas ngaliwatan SPBU Pasirjambu langsung méngkol ka kénca ka arah Gambung sarua siga ka lokasi tempat wisata Barusen Hill jeung Palalangon Park. Saterusna tuturkeun jalan ka arah Désa Cibodas, Papakmanggu jeung Mekarsari. Lokasi Bumi Perkemahan Ranca Cangkuang aya di beulah katuhu sanggeus ngaliwatan tempat wisata Palalangon Park jeung Barusen Hills.
Pikeun para pangunjung nu hayang kémah di Bumi Perkemahan Raca Cangkuang, harga tikét asupna nyaėta Rp50.000 pikeun hiji kandaraan. Pikeun nu hayang nyieun api unggun, bisa pesen kai suluh ku harga Rp30.000 saiketna. Sedengkeun harga tikét parkir kandaraan Rp3.000 keur motor jeung Rp10.000 keur mobil.**
Sumber: bandung.inews.id/Rizal Fadillah
