BANDUNG, (NYUNDAYU) – Saurang dokter ti Californie Eyes Associates, Dr Katerima Kurteeva ngabagikeun vidéo ahéng basa ngaleupaskeun 23 lénsa kontak tina panon saurang pasien dina hiji postingan Instagram.
Vidéo éta jadi viral jeung geus ditongton leuwih ti sajuta kali.
Numutkeun postingan éta, pasien masang hiji sét lénsa anyar salila 23 poé tutuluyan bari teu ngaleupas lensa nu sapoé satacanna.
Mosting vidéo tina halaman Instagram California Eye Associates, inya nulis: “Kasempetan nu langka nalika saurang ‘hilap’ ngaleupas lénsa kontak wengina, jeung teras masang nu anyar unggal enjing. 23 dinten tutuluyan!!! kanggo ngirimkeun kumpulan lénsa kontak kamari di klinik abdi.”
Vidéo éta némbongkeun ti deukuet panon pasien jeung Dr Kurteeva ku ati-ati ngagorés lénsa ku cotton wool bud. Ngajabarkeun dina postingan instagram nu kapisan, inyana nulis: “ Leuwih ti sajuta tampilan, bagja ngagaduhan kasempetan kanggo ngadidik masarakat ngeunaan pamakéan kabersihan lénsa kontak.
“Abdi tos ati-ati misahkeun sadaya lénsa kontak sareng ngétang total 23. Abdi kedah nganggo instrumén bedah nu lemes pisan, tang pahiasan kanggo misahkeun lénsa kontak.
“Sadayana (lénsa kontak) saleresna ditapelkeun saatos aya di handapeun kelopak panon salami sabulan.”
Ngedalkeun ka Insider, Dr Kurteeva ngémbohan: “Dina ampir 20 taun prakték, abdi teu acan kungsi ningal nu sapertos ieu. Pasién ogé teu percanten sareng tumaros naha abdi yakin ku angka nu abdi étang.”
Inyana ngémbohan yén pasién ayeuna geus mulang sabari dibahanan obat tétés panon jeung ngarasa leuwih séhat.*
Sumber: news.sky.com/Guy Birchall
