BANDUNG (NYUNDAYU). – Kamari ieu publik dihébohkeun ku medarna hiji vidéo nu némbongkeun perundungan atawa bullying brutal ka saurang siswa SMP di Sumedang.
Kabid Humas Polda Jabar, Kombes Pol Ibrahim Tompo ngonfirmasi hal éta. Di mana, ayeuna kasus bullying siswa SMP éta geus diurus ku pihak kapolisian satempat. “Atos diurus ku Polrés Sumedang,” ceuk Ibrahim ka VIVA Bandung. Jumaah, 30 Séptémber 2022. “4 urang (ditéwak),” pokna deui.
Numutkeun kabar, kasus bullying brutal siswa SMP éta ditungtungan ku damai, di mana kadua beulah pihak geus ngajalankeun médiasi pikeun ngaréngsékeun éta kasus. Ngan Ibrahim ngémbohan, lamun kasus éta bakal terus diprosés saluyu jeung prosedur hukum nu lumaku.
“Upami tersangkana ogé murangkalih, janten nganggo UU No 11 taun 2012 perkawis hukuman murangkalih,” pokna.
Ibrahim ogé ngahimbau boh ka kolot atawa ka pangajar kudu méré perhatian nu leuwih sangkan henteu deui kajadian kasus nu sarupa. “Kedah mindeng ngalakukeun sosialisasi perkawis résiko tina tindakan ieu bakal janten pidana,” pokna.
Diwartakeun saméméhna, viral di média sosial hiji vidéo nu némbongkeun parempugan ka saurang siswa SMP nu diduga kajadian di Sumedang Jawa Barat. Vidéo viral éta munggaran diunggah ku akun Instagram @/banjarnahor poé Kemis, 29 Séptémber 2022.
Dina vidéo éta katémbong sakumpulan siswa-siswa nu maké saragam SMP. Katingalina mah barudak éta keur ngalakukeun pembullyan ka hiji babaturanna.
Kalakuan jahat éta kalahka ngahaja dirékam ku salah sahiji gorombolan nu ngabully.
“Ampun A, tulung.” ceuk korban ngagorowok basa keur dirempug.
Sanggeus ngadéngé gorowokan éta, lain eureun, maranéhna malah terus ngarempug jeung malah mah rék ngagéléng maké motor.
“Sok siah hayang digéléng ku motor, Jor rék bébéja ka saha sok,” ceuk nu ngoroyokna.
“Tina info mah, korban téh mangrupikeun siswa di MTS, upami palakuna ti sakola SMP negeri di Sumedang,” pokna.
Bullying geus mindeng kajadian di Indonésia. Fénoména ieu teu bisa dianggap réméh, kudu aya tindakan nu serius. Palaku kudu dihukum teges méh kapok. Palaku bullying ogé bakal ngurangan ku dilarapkeunna hukum nu lumaku, kusabab dampak tina bullying ieu bahaya pisan pikeun korban.
Instansi nu kakait ogé kudu ngalakukeun tindakan, sangkan bisa nyegah bullying nu geus loba kajadian ieu.
Éditor : Aga Gustiana
Sumber: bandung.viva.co.id
Foto: xnews.id
