BANDUNG (NYUNDAYU). – Pamaréntah bakal ngabagikeun pakét kompor listrik haratis saharga Rp1,8 juta. Pakét kompor listrik éta mangrupakeun implementasi tina program konversi kompor, tinu LPG 3 kg ka kompor listrik.
Sékjén Kamenterian ESDM Rida Mulyana nyebutkeun pamaréntah bakal méré pakét kompor listrik éta ka 300.000 panarima.
Numutkeun anjeunna, panarima pakét kompor listrik éta mangrupakeun masarakat nu kadaftar dina Data Terpadu Kesejahteraan Sosial (DTKS).
“Rencanana taun ieu 300.000 (panarima). Janten dina sabumi éta dipasihan sapakét, komporna nyalira, alat masakna nyalira, dana dayana dinaékkeun,” pokna, Rebo (21/09/2022), dikutip tina KOMPAS.com.
Dina sapakétna téh diwangun ku kompor listrik dua tungku, hiji alat masak, jeung hiji miniature circuit breaker atawa MCB.
Pakét kompor listrik saharga Rp1,8 juta éta émang kasebut mahal.
Tapi Rida nyebutna wajar ku sabab unggal tungku ukuranna 800 watt terus salah sahiji tungkuna bakal dinaékkeun jadi leuwih ti 1.000 watt.
Ceuk Rita, naékna daya salah sahiji tungku éta nyieun harga pakét kompor listrik ngahontal Rp2 juta.
Terus anjeunna ngajelaskeun tujuan naékna daya éta nyaéta méh pas masak bisa jadi leuwih gancang.
Hal éta tujuanna pikeun ngarojong kahayang masarakat maké kompor listrik.
Salian éta, pamaréntah ogé bakal ngalakukeun évaluasi sacara berkala ka uji coba pamakéan kompor listrik éta.
“Uji coba ieu nu bakal urang sadaya évaluasi dugi ka Okbober,” pokna.
Listrik atawa Gas. Murah mana?
Sagigireun éta, Direktur Eksekutif Institute for Essential Service Reform (IESR) nu fokusna di bidang énérgi jeung lingkungan, Fabby Tumiwa, ngungkabkeun sahenteuna aya sababaraha manfaat lamun program ieu dijalankeun sacara bener.
“Manfaatna nyaéta kanggo masarakat, masak ku kompor induksi 10-30% leuwih hémat tibatan masak nganggo élpiji 3 kg, ngalarapkeun konversi kompor gas ka kompor listrik ieu kedah disarengan ku pangonversian daya listrik masarakat miskin kalayan leres,” Pokna.
“Nu ngadamel masarakat tataros, ‘Upami misalna daya dinaékkeun, teras tarif listrikna sabaraha?’ Nya upami tarif listrikna sami sareng tarif listrik konsumén PLN nu biasa, nya henteu aya panghématan tina sisi biaya kanu nganggo kompor induksi.” pokna.**
Sumber: kompas.com
Foto: voi.id
