DI BALIK hiji ngaran nu kasohor, pasti boga catetan sajarah nu historikal. Teu iwal jeung Tim Pérsib Bandung, katrésna warga Bandung, Jawa Barat, malah mah dunya.
Nyaéta BIVB atawa Bandoeng Inlandsche Voetbal Bond (BIVB) nu jadi cikal bakal lahirna maén bal di Tatar Pasundan. Mimitina, BIVB diwangun ku kaum pajoang nasionalis minangka hiji wangun perlawanan ka kolonial Walanda dina maén bal, nu dipupuhuan ku Mr. Syamsudin. Harita Lapangan Tegallega jeung Ciroyom jadi saksi bisu maén bal nu dilakukeun BIVB, kulantaran Alun-alun dipaké ku Walanda.
Dilansir tina indosport.com, basa BIVB ngaleungit, harita aya dua perkumpulan ti kaum pribumi nyaéta National Voetbal Bond (NVB) jeung Persatuan Sepakbola Bandung (PSIB). Duanana nga-fusi, nu diteruskeun ku lahirna perserikatan Pérsib Bandung tanggal 14 Maret 1933.
Jaman Mimiti
Dikutip ti indosport.com ogé, Pérsib lalaunan ngawangun hiji tim maén bal jadi tim nu solid. Taun 1937, Pérsib nyangking juara dina kompetisi perdana ngéléhkeun Pérsis Solo di laga pamungkas di Stadion Sriwedari ku hasil 2-1.
Asup dékade di mimiti-40 an, karusuhan dunya politik di periode éta nyababkeun kagangguna jalan kompetisi perserikatan. Di jaman imperialisme, Jepang ngabrédel sakabéh kompetisi olahraga di Indonésia.
Dina mimiti dékade 50-an, Pérsib boga kénéh préstasi nu nyongcolang, nyaéta 2 kali jadi runner up, 3 kali jadi juara tilu. Dilansir tina Wikipédia, dina dékade ieu Pérsib ngalaman periode-periode penting di mana Walikota Bandung basa harita, R. Enoch, ngawangun kantor séktrétariat keur Pérsib di Ciléntah. Saméméh ahirna ku upaya Risnandar Soendoro, Pérsib laksana boga sékrétariat nu nepika ayeuna, nyaéta nu di Jalan Guramé.
Préstasi Sajarah
Pérsib Bandung kasohor jadi salah sahiji tim badag di Indonésia lain ku euweuh alesan. Catetan méntéréng ti dasawarsa ka dasawarsa jadi bukti. Basa maké format perserikatan, total Persib Bandung asup ka podium saloba 13 kali. Juara ka-1 5 kali, di posisi ka-2 8 kali, Juara Liga Indonésia, Liga Super Indonésia, Liga 1, Turnamén Kongrés PSSI, Piala Présidén, Piala Ménpora, sababaraha kali kajuaraan internasional jeung masih loba deui piala kompetisi daérah di jaman perserikatan.
Préstasi pangluhurna dina maén bal di wilayah Asia Tenggara nyaéta ngahontal sémi final di taun 1995.
Filosofi Logo jeung Saragam
Jiga nu dikutip ti Wikipédia, warna resmi saragam klub Persib Bandung nyaéta warna biru jeung bodas, nu mangrupakeun warna nu dipaké ku Karajaan Siliwangi.
Logo klub Persib Bandung katembong jiga lambang Kota Bandung. Logo éta dipaké ku sabab dina mangsa mimiti Perserikatan, Persib diniléy ngawakilan urang Sunda. Basa harita, dua béntang ditambahan dina luhureun logo klub salaku tanda geus ngameunangkeun dua kali liga dina format anyar di taun 1995 jeung 2014. Dina robahan logo nu panungtung, logo ayeuna boga bentuk perisai nu leuwih ngabuleud jeung robahna aksara “PERSIB” di tengahna. Klub kungsi ngarobah warna saragam jadi biru ngora jeung logo ku gambar maung ditambah tulisan “PERSIB” jeung “MAUNG BANDUNG” di séwang-séwang luhur jeung handap logo di musim 2003. Tapi logo ieu ngan tahan samusim ku instruksi ti Walikota Bandung harita H. AA Tarmana pikeun malikkeun logo Persib siga nu awal.
Numutkeun statuta PSSI, logo Persib ayeuna dijaga jeung ulah diganti atawa dirobah salaku panghargaan ku andil klub dina ngadegna PSSI di taun 1930. Aturan ieu ogé ngawengku larangan digantina ngaran, domisili jeung warisan sajarah klub.**
Éditor : Rimaldi Pasya Mansoer
Foto: bolaskor.com
