BANDUNG (NYUNDAYU), – Pulisi geus netepkeun UNS (41), supir beus Damri ku pelat nopol D 7605 AA, salaku tersangka dina kasus kacilakaan nu kajadian di Jalan Moh. Toha, Kota Bandung, Senén (19/9) kamari.
Tersangka diniléy talédor kalayan beus Damri nu disupiran manéhna nabrak saurang nu keur leumpang, nu ngaranna Ai Julaeha (69), nepika tiwas.
Kepala Unit Penegakan Hukum Satuan Lalu Lintas Polrestabes Bandung, Iptu Arif Saepul Haris nyebutkeun, supir beus Damri nu nabrak korban Ai Julaeha geus ditetepkeun jadi tersangka ku hukuman pisana maksimal 6 taun.
“UNS kasangka ngalanggar Pasal 310 ayat 4 Jo. Pasar 105 huruf a, Jo. Pasal 106 ayat 1, 2 Undang-undang Lalu Lintas dan Angkutan Jalan, ku ancaman hukuman maksimal 6 taun,” ceuk Arif ka wartawan via pesan singkat, Salasa (20/9).
Diwartakeun satacanna, Ai Julaeha, nu keur leumpang, tiwas katabrak beus Damri di hareupeun béngkél Shapire di Jalan Moh. Toha, Kota Bandung, Senén (20/9) isuk-isuk.
Korban, warga Gang Ciseureuh IX RT 09/03, Kalurahan Karasak, Kacamatan Astanaanyar, Kota Bandung éta, katabrak beus basa meuntas jalan.
Arif nyebutkeun, korban tiwas di tempat kajadian. Layon korban kungsi dibawa ka RS Bhayangkara Sartika Asih Bandung, jeung ayeuna geus dibawa balik ku kulawargana. Kacilakaan lalu lintas di jalan Moh. Toha éta, numutkeun Arif, ngalibatkeun beus Damri nu disupiran ku UNS.
“Korban tilar dunya di tempat kajadian perkara sareng teras dicandak ka RS Sartika Asih,” ceuk Arif basa dikonfirmasi wartawan, Senén (19/9)
Arif ngémbohan, beus Damri maju ti lebah kidul ka kalérkeun Kota Bandung. Ngan basa di tempat kajadian perkara, beus nabrak korban nu keur meuntas ti kulon ka wétankeun.
Basa kajadian, kondisi arus lalu lintas isuk-isuk di Jalan Moh. Toha rélatif padet jeung kandaraan maju lalaunan. Supir beus Damri sigana teu konsén basa nyupiran nepika nabrak korban.
Pakait kasus kacilakaan ieu, patugas geus ngamankeun barang bukti, nyaéta beus Damri jeung supirna, sarta rékaman CCTV nu aya di sabudeureun tempat kajadian.
Editor : Rizal Fadillah
Sumber: bandungraya.inews.id
Foto: murianews.com
