BANDUNG (NYUNDAYU). – Jaringan Media SIber Indonésia (JMSI) Jawa Barat ngalaknat panganiayaan ka dua jurnalis di Kabupatén Karawang, ku pajabat Pemkab Karawang.
“Urang sadayana ngahanjakalkeun tindakan biadab jeung barbar nu dilakukeun pajabat Pemkab Karawang. Naon ogé alesanna, panganiayaan eta teu tiasa dilereskeun. Urang sadayana ngadesek kapulisian pikeun ngusut tuntas kajadian éta sareng néwak para palakuna.” teges Ketua JMSI Jabar Sonny Fitra Periza, Salasa (20/9)
Numutkeun anjeunna, mun narasumber kabeungbeuratan ku eusi berita hiji média, salunna nyaéta ménta hak jawab nu wajib dimuat jeung ditayangkeun media éta. Nalika teu puas, mangga lapor ka Déwan Pérs. “Sanés main hakim sendiri ku nganiaya jeung ngerem jurnalis,” tegesna.
Kronologi
SIga nu dipikanyaho dua jurnalis di Karawang, nyaéta Gusti Sevtian Gumilar jeung Zaenal Mustofa, kaduga jadi korban pangereman jeung panganiayaan ku sajumlah jelema. Kadua korban geus nyieun laporan pulisi di Polrés Karawang.
Mimitina, sanggeus launching Persika 1951, GUsti nu keur aya kénéh di Stadion Singaperbangsa Karawang, dibawa ku nu ngaku jelema titahan saurang pajabat Karawang nu inisialna A.
Gusti dibawa ka tilas kantor PSSI Karawng. Sanepina di kantor éta, rohangan langsung ditutup teu meunang aya nu asup salian ti jelema-jelema nu ngaku titahan pajabat inisial A jeung korban.
Dilaporkeun korban, alat gawé wartawan dirampas. Teu lila sababaraha waktu sanggeus korban dibawa ka rohangan éta mimiti meunang panganiayaan mangrupa teungeulan ti sajumlah jelema nu aya di rohangan éta.
Malah mah numutkeun laporan korban, oknum pajabat A aya oge di rohangan éta jeung nyekok korban ku cikiih saloba tilu kali. Korban ogé keuna teunggeulan dinu sirah, tinju di sababaraha bagéan awakna.
Sagigireun éta, Zaena dijemput ti imahna poé Minggu jam 04.00 WIB. Sanggeus aya di jero mobil nu ngajemput, Zaenal disiksa nepika ngalaman tatu soék di bagéan sirahna.
Ilustrasi: pexels.com/Karolina Grabowska
