BANDUNG (NYUNDAYU) – Timnas U-19 ngalawan Viétnam di laga ahir Grup F Kualifikasi Piala Asia U-20, Minggu (18/09).
Laga nu digelar di Stadion Gelora Bung Tomo, Surabaya laksana mastikeun Indonésia lolos ka pagelaran Piala Asia 2023 nu bakal digelar di Uzbekistan.
Kungsi tinggaleun ku sésa waktu nu teu lila deui, tapi teu nyurutkeun sumanget juang para nonoman Indonésia. Ahirna Indonésia bisa ngudag tinggaleun jeung meunang dina skor 3-2.
Kajadian jual beuli serangan antara kadua tim, nepika ahirna dina menit ka-60, gol dicétak ku Marselino Ferdinan sanggeus meunang operan pondok ti Frenky Missa. Témbakan nu alus pisan ti luar kotak pinalti ngarah ka sisi katuhu gawang Viétnam. Viétnam hasil nyaruakeun posisi di menit ka-65, liwat skéma serangan balik. Indonésia kawalahan, elat nutup posisi ti pamaén Viétnam, jadi wéh gol bunuh diri ku Muhammad Ferrari.
Viétnam jadi unggul 2-1 di menit ka-79, ku skéma nu sarua, nyaéta serangan balik, Tim Indonésia asik teuing ku nyerang, jadi wéh sisi kénca pertahanan kosong jeung kudu narima akibatna.
Tapi hal éta henteu nyurutkeun sumanget para pamaén timnas. Dina menit ka-82 Indonésia berhasil nyaruakeun skor jadi 2-2 ku skéma sépak pojok. Sépak Pojok ti Zanadin Fariz laksana disambut ku sundulan Muhammad Ferrari.
Usaha ngudag tinggaleun Indonésia ahirna aya hasil, waktu geus nunjukkeun menit ka-84, mimiti tina operan pondok di hareupeun kotak pinalti ka arah Nico di sisi kénca pertahanan Viétnam, pamaén nu asup tina bangku cadangan ngaleupaskeun operan laun ka arah kénca ngaliwatan sisi tukangeun kiper Viétnam. Indonésia meunang 3-2 ti Viétnam jeung mastikeun diri lolos ka final Piala Asia U-20 2023.
Tina hasil ieu, Indonésia jadi lolos ka final Piala Asia U-20 2023. Indonésia finis jadi jawara Grup F ku salapan poin sanggeus nyapu bersih tilu laga ku kameunangan. Hasil nu alus pisan pikeun Indonésia.
Starting XI Timnas U-19 vs Viétnam
Indonésia: Aditya Arya; Ginanjar Wahyu, Frenky Missa, Robi Darwis, Dimas Juliono, Ronaldo Kwateh, Hokky Caraka, Arkhan Fikri, Zanadin Fariz, Kakang Rudianto, Muhammad Ferrari.
Viétnam : Cao Van Binh; Ho Van Cuong, Tran Ngoc Son, Nguyen Quoc Viet, Khuat Van Khang, Nguyen Thanh Nhan, Nguyen Bao Long, Nguyen Duc Phu, Bui Vi Hao, Dinh Xuan Tien, Nguyen Duc Anh
Sumber: jabarbicara.com
Foto: detik.com
