BANDUNG Selatan geus jadi salah sahiji kawasan nu dipikaresep ku wisatawan pikeun liburan. Di ditu aya sababaraha tempat wisata alam anu bisa didatangan ku para wisatawan, misalna Kawah Putih, Kampung Cai Ranca Upas, Situ Paténggang jeung loba deui.
Tah, ayeuna aya hiji tempat wisata anyar anu wajib didatangan ku anjeun, nyaéta Rengganis Suspension Bridge. Tempat wisata ieu kakarak dibuka di tanggal 3 Méi 2022 kamari.
Rengganis Suspension Bridge téh obyék wisata anyar di wewengkon Bandung Raya pernahna di Bandung Selatan, Ciwidéy. Kurang leuwih 2 jam perjalanan ti Kota Bandung mah.
Dilansir ti sababaraha sumber, Rengganis Suspension Bridge nyaéta hiji tempat wisata mangrupa sasak nu pangpanjangna di Asia Tenggara. Sasak Rengganis Suspension Bridge ieu panjangna 370 méter leuwih panjang ti sasak gantung anu aya di Sukabumi nu luhurna 1700 mdpl.
Di sasak ieu ogé anjeun bisa fofotoan bari ngarasakeun hawa tiis khas pagunungan ku pesona alam anu éndah. Rengganis Suspension Bridge ieu salian ti éndah jeung kerén ogé, nyaéta jadi aksés ka hiji wisata hotspring water nyaéta Kawah Rengganis anu aya di désa Paténggang, Bandung.
Lain ngan éta hungkul, wisata ieu ogé nyadiakeun résto pikeun tempat nyalsé sakaligus kulinér salila liburan di Rengganis Suspension Bridge. Wisatawan ogé teu kudu hariwang lamun ngaliwatan sasak ieu, sabab sasakna geus dilengkepan ku safety mangrupa jaring di sisi kénca jeung katuhu sapanjang sasakna.
Harga tikét asup ka Rengganis Suspension Bridge ieu aya rupa-rupa pakétna.
Ieu informasi ngeunaan harga tikét asup Rengganis Suspension Bridge Bandung:
Pakét VIP: Rp100.000
Ngawengku: Suspension Bridge, Kawah Rengganis, Haratis Situ Paténggang, Pinisi Glamping Lakeside/sakabéh wahana.
Katangtuan: Kawah Rengganis, mangkat-balik ngaliwatan sasak gantung, Situ Paténggang (kebon pinus) haratis jeung Pinisi Glamping Lakeside sakabéh wahana.
Pakét Régulér: Rp70.000
Ngawengku: Suspension Bridge, Kawah Rengganis, Situ Paténggang haratis, Pinisi Glamping Lakeside.
Katangtuan: Ngan ngaliwatan sakali di arah balik jeung jalur turun ka Kawah Rengganis terus balik ngaliwatan Sasak Gantung, Situ Paténggang (Kebon Pinus) haratis jeung Pinisi Glamping Lakeside
Kawah Rengganis: Rp15.000
Wahana Glamping Lakeside kaasup Pinisi Résto, Walking Track Lakeside, Strawberry Farm, Golesat Circuit, Bukit Kelinci, Spider Balcony.
Jam buka:, Rengganis Suspension Bridge buka unggal poé mimiti jam 07.00 nepika 17.00 WIB.
Éditor: Rizal Fadillah
Sumber: bandungraya.inews.id
Foto: wisata.app
