BANDUNG, Muhammad Syafiq Musyaddad, budak lalaki umur 11 taun kawartakeun leungit ti Salasa (24/8) kamari.
Syafiq dumuk di Jalan Halteu Selatan No 11/76, Kota Bandung.
Ceuk bapana, Denny Suryadharma, manéhna jeung kulawarga mimiti hariwang basa ningali budakna teu katingali di sakolana, SD Bandung Raya Cijerah.
Deni ogé teu bisa mastikeun Syafiq mangkat sakola maké angkot atawa leumpang. Ku sabab jauhna jarak antara imah jeung sakola kira-kira sakilométer.
“Kajadiannana, mangkat sakola biasana jam 10.00 WIB, uih saatos ashar, pas siangna abdi naros ka wali kelasna ‘Syafiq aya pa?’ biasana sok difoto, saurna mah teu lebet sakola,” ceuk Denny.
Sagigireun éta Indungna Syafiq nyaritakeun, manéhna nungguan nepi ka bérés sakola ngarep-ngarep Syafiq balik, ari pék téh teu datang-datang waé. Bapana terus wé néangan deui.
“Abdi ngawitan milarian, ka réréncangannana, réncang sakolana, malah mah dugi ka warnét, teras kukurilingan ogé teu aya,” pokna.
Ceuk Denny informasi leungitna ieu, teu dilaporkeun ka pihak kapolisian ku sabab tacan 24 jam. “Teu acan, nembé badé dinten ayeuna,” pokna.
Kulawarga ngaharepkeun Syafiq geura balik. Pikeun wargi Bandung anu mendakan Syafiq tiasa ngahubungan bapana, Denny Suryadharma dina nomor 08122229269.
